Page 148 - Аржаков Степан Степан

оччотооҕу салалтата куттанан, кинилэри ыраах, кыра
дуоһунастарга тута сылдьыбыта. Ол оннугар хоннохторун-
быттыктарын анныгар адьас атастарын, аймахтарын эрэ
олордоллоро. Бу түөрт киһи республика хайа баҕарар бас-
такы салайааччылара буолар кыахтаах дьон үтүрүм-хаты-
рым сылдьыбыттар эбит.
Түмүктээн эттэххэ, мин учууталым, тойонум Степан Сте-
панович саха саарына, үс кырыылааҕа, үтүөтэ. Киниэхэ
махтанабын, сүгүрүйэбин!
Максим Николаевич СИБИРЯКОВ,
1974-1993 сс. Амма, Таатта,
Чурапчы оройуоннарыгар райисполком председателэ,
райком бастакы секретара,
СР норуотун хаһаайыстыбатын үтуөлээх үлэһитэ

Салайааччы бар махталым улахан

1962-1963 сс. дойду үрдүнэн оройуоннары холбооһун
саҕаламмыта. Уус Алдан, Нам оройуоннарын холбоон Орто
Лена оройуонун тэрийбиттэрэ. Уус Алдан дьоно-сэргэтэ бу
холбооһуну олох сөбүлээбэтэхтэрэ. "Салалтаны норуоттан
тэйитии", — диэбиттэрэ. Саатар, оройуон киинэ Намҥа
көһөрүллүбүтэ.
1963 сыллаахха тохсунньуга ыытыллыбыт конферен-
цияҕа бөдөҥсүйбүт оройуон райкомун бастакы секретары-
нан С.С. Аржаков талыллыбыта. Аны санаатахха, Уус Алдан
нэһилиэнньэтин кытта кэпсэттин, өйдөттүн диэтэхтэрэ буо-
луо. Кырдьык, сотору кэминэн аймалҕан улам уостан, на-
мыраан барбыта.
Ити айдааннаах конференцияҕа миигин райком плену-
мун чилиэнинэн талбыттара. Онтон Уус Алдан оройуонугар
уһуннук райком бюротун чилиэнэ этим. Онон сотору-сото-
ру буолар мунньахтарга сылдьар буолбутум, Степан Степа-
нович дакылааттарын, этиилэрин элбэхтик истибитим.
60-с сылларга сүөһү иитиитигэр олус улахан соруктар
туруоруллар этилэр. Ону толорууга партия райкома, баста-
кы секретарь С.С. Аржаков салалтатынан элбэх тэрийэр
үлэни ыыппыта. Ол курдук сүөһү боруодатын тупсарыыга
искусственнай сиэмэлээһин олохтоммута. Осеменаторда-
ры сүүмэрдээн үөрэтэллэрэ, сөптөөх оборудованиенан