Page 147 - Аржаков Степан Степан

чыпчаал ситиһиитин Уус Алдаҥҥа көрдөрбутэ, чолбон су-
лус буолан умайбыта. Манна барытыгар оройуон бастакы
салайааччыта Степан Степанович Аржаков сырдык
сыдьаайа, өркөннөөх өйө, тэрийэр дьоҕура үтүөтүк сабы-
дыаллаабыта.
Биһиги эдэр дьон көҥүл сылдьыахпытын оччотооҕуга да
баҕа бөҕө буоллаҕа дии. Мүччү-хаччы туттаран мунньахтан
күрээһин, сороҕор бас-баттах да барыы ханна барыай? Ор-
дух-хоһу аһаан да кэбиһии баар буолара. Оннук дьону
иилээн-саҕалаан илдьэ сылдьыбыт ээ, Степан Степанович.
Ону биһиги наһаа көрдөбүллээх, кадрга кытаанах сыһыан-
наах киһи дии саныырбыт. Дьиҥэ, олус аһыныгас, киһи
кыһалҕатын өйдүүр, үтүө санаалаах киһи эбит. Ол ордук
мин туспар чуолкайдык көстүбүтэ. Арааһа, бу уолтан киһи
тахсыа диэн устубакка, улаханнык миэрэлээбэккэ иитэ са-
таабыт уонна өссө Үрдүкү партийнай оскуолаҕа үөрэххэ
ыыппыт.
Степан Степанович Уус Алдан оройуонугар олус
таһаарыылаахтык үлэлээбитэ. Кини дьон олоҕо тупсарын
туһугар туруулаһан үлэлээбит секретарь буолар. Ол
туоһутунан кини кэмигэр, хас нэһилиэк аайы диэххэ сөп,
саҥа оскуолалар, кулууптар, спортсаалалар тутуллубутта-
ра. Типовой маҕаһыыннар оҥоһуллубуттара. Оройуоҥҥа
электроуот кииннэммитэ. Сүөһү ыарахан үлэтин механиза-
циялааһын ыытыллыбыта. Бороҕоҥҥо ретранслятор тутул-
лан нэһилиэнньэ телевизор көрөр буолбута.
Степан Степанович үрдүк культуралаах, нууччалыы-саха-
лыы дэгиттэр тыллаах, килбиэннээх араатар салайааччы
быһыытынан эдэр ыччакка үтүөкэн сабыдыаллааҕа, улахан
авторитеттааҕа. Ол сабыдыалынан даҕаны Уус Алдан ычча-
та үөрэххэ тардыһыыта улааппыта. Оройуонтан үтүөкэннээх
кадрдар тахсыбыттара.
Санаабын хайаан да ситэ эттэхпинэ сатаныах курдук.
Доҕоттоор, Егор Дмитриевич Кычкин, Иннокентий Гаврило-
вич Игнатьев, Иван Гаврильевич Тимофеев уонна Степан
Степанович Аржаков курдук Илин эҥэргэ төрөөбүт, үөскээ-
бит уһулуччу, барыбытыттан ойуччу талааннаах дьон үлэ-
лээн-хамсаан ааспыттар эбит. Билигин сорохторо өлөн,
сорох-торо кырдьан бүттүлэр. Бу түөрт киһини үчүгэйдик
билэбин диэххэ наада. Адьас дьиҥинэн ыллахха, обком