Page 145 - Аржаков Степан Степан

Мин Уус Алдаҥҥа Степан Степановиһы кытта үлэлиир
сылларбар күүрээннээх үлэ түмүктэрдээх буоларын
көрбүтүм, итэҕэйбитим. Оройуоҥҥа Кыһыл Знамялар сото-
ру-сотору тэлимнэспиттэрэ, партизан Заболоцкай аатынан
колхоз орден ылбыта, А.С. Копырина Социалистическай
Үлэ Геройа буолбута. Элбэх дьон түөһүгэр Ленин, Октябрь-
скай Революция, Үлэ Кыһыл Знамята о.д.а. уордьаннар,
мэтээллэр күлүмүрдээбиттэрэ. Ити дьону күннэтэ үлэҕэ
түмүү, элбэх тэрээһин, өйдөтүү уонна улахан туруорсуу
түмүгэр ситиһиллибитэ. Онно Степан Степанович оройуон
бастакы салайааччытын быһыытынан оруола олус улахан
этэ.
Үлэни билии, салайыы саамай уустук уонна ыарахан, сы-
ралаах дьыала дии саныыбын. Хас үлэҥ түмүгүн кэтэһии,
үчүгэйиттэн үөрүү, куһаҕаныттан хомойуу. Ол үрдүнэн "үлэ
туһа" дии-дии салгыы бара тураҕын, онно саҥаттан саҥаны
билэн-көрөн иһэҕин. Оннук үөрэҕи мин Уус Алдаҥҥа Сте-
пан Степановиһы кытта бииргэ үлэлээн билбитим, үөрэм-
митим. Ол иһин ити сылларбын, эйэргээн даҕаны, махтанан
даҕаны "аржаковскай академиям" диибин.
Түмүгэр, Степан Степановичка биһиги дьиэ кэргэммит
аатыттан тус махталбытын этэбит. Оҕолорбут оскуолала-
рыттан арахсымаары тыаҕа тахсыбатахтара. Онон куоракка
тардыһыы улахан этэ. Ону Степан Степанович таба өйдөөн
араас командировкаларга, мунньахтарга, бырааһынньык-
тарга ыытар буолара. Онон оҕолорбутугар чугас курдук
буолан ахтыһыы кырата, көмөлөсүһүү улахана. Ол түмүгэр
билигин оҕолорбут дьон дьоно.
Егор Петрович ПЕСТРЯКОВ,
Уус Апдан райкомун урукку иккис секретара,
Россия Суруйааччыларын, Суруналыыстарын союһун чилиэнэ

Учууталбар сүгүрүйэбин

1965 сыл. Л.И. Брежнев саҥа былааска тахсан, Хрущев
бутуурдарын көннөрөн эрэр кэмэ этэ. Оройуоннар төттөрү
урукку чөллөрүгэр түһэриллэн барбыттара. Эмиэ саҥалыы
тэрээһин саҕаламмыта. Кадрдары сыымайдааһын. Ол дол-
гуҥҥа оҕустаран, мин Уус Алдан киһитэ буолан хаалбытым.
Соһуйуом иһин, кылаабынай ветеринарнай бырааһынан,