Page 146 - Аржаков Степан Степан

ветстанция начаалынньыгынан. Оччолорго оройуон кылаа-
бынай специалистарын райком бюрота бигэргэтэрэ. Онно
Степан Степановиһы аан бастаан көрөн турабын.
Мин им-дьим үлэлии сырыттым. Дэҥ-дэҥ райсовет ис-
полкомун мунньаҕар ыҥыраллар. Күн-дьыл баран испитэ.
Степан Степанович Москваҕа үөрэххэ барбыта. Ол кэннит-
тэн миигин сотору Герой Егоров аатынан колхозка предсе-
дателинэн ыыттылар. Ол икки ардыгар икки сыл ааһа
оҕуста.
Степан Степановиһы төттөрү аҕалан урукку үлэтигэр,
райком бастакы секретарынан олордон кэбистилэр. Кини-
ни дьон барыта үрдүкү үлэҕэ республикаҕа кэлиэ диэн кэп-
сэтэллэрэ. Чуолкайын билбэтим буолан баран, аны санаа-
тахпына, тыллаах-өстөөх, тиистээх-уостаах киһини тэйиччи
тутуохха диэбиттэр быһыылаах.
Дьэ, ити кэмтэн ыла мин балачча уһуннук Степан Степа-
нович салалтатынан үлэлээбитим. Ол кэмҥэ эдэр үлэһит
буоламмын райком үлэтин ис хоһоонун оччо билбэт, билэ
да сатаабат этим. Наар конференцияларынан, пленумнары-
нан, бюронан эрэ үлэлиир-хамсыыр дьон курдук саныы-
рым. Ол адьас сыыһа эбит. Райком бастакы секретара
диэн, билиҥҥинэн эттэххэ, улуус дьиҥнээх кулубата буол-
лаҕа дии.
1965-1975 сс. Уус Алдан республика биир бастыҥ
оройуона буолбута. Бары көрдөрүүлэринэн. Холобур, мин
салайбыт колхозпун да ылан көрдөххө, 1967-1972 сылларга
4,5 тыһыынча гектар ходуһа сирэ тупсарыллыбыта, 5 саҥа
күөл оҥоһуллубута. 1500 ынах саҥа хотоҥҥо, 4 учаастагы-
нан техника барыта саҥа гаражтарга киирбиттэрэ. Колхоз
харчытынан Танда-Бээрийэ үрдүк күүрүүлээх ЛЭП-10 лини-
ята тардыллыбыта. Итиннэ барытыгар Степан Степанович
сатабыллаах сабыдыала, салалтата баара. Оттон төрөөбүт
Бээрийэтин 8 кылаастаах, үөрэммит Тандатын орто оскуо-
лалара кини тус көмөтүнэн тутуллубуттара. Онно тыыннаах
туоһу мин буолабын. Аны Танда аатырбыт үбүлүөйүнэй са-
йылыга, спортивнай саалата эмиэ кини оройуону салайан
олордоҕуна тутуллубуттара. Бу биир колхозка. Оттон
оройуоҥҥа 5 колхоз, 1 совхоз бааллара дии.
Оройуоҥҥа ордук партизан Заболоцкай аатынан колхоз,
кини председателэ В.П. Егоров аатырбыта. Кини саамай