Page 144 - Аржаков Степан Степан

тэ. Киирбитим Гавриил Иосифович мичээрдии-мичээрдии
остуолуттан туран утары кэлэн дорооболосто уонна олор-
дон баран бэрт элбэҕи сүбэлээтэ уонна: "Барытынан ыара-
хан оройуон буолан баран бастакы секретарь Аржаков Сте-
пан Степанович тутан олорор, кини эйиэхэ даҕаны
көмөлөһүөҕэ, онно мин эрэнэбин, эн бэйэҥ буоллаҕына тыа
хаһаайыстыбатын специалиһаҕын. Онон уопсай тылы булан
үчүгэйдик үлэлииргитигэр баҕарабын", — диэн кэпсэтиини
түмүктээбитэ.
Ити истиҥ кэпсэтии кэнниттэн мин Степан Степановиһы
кытта бииргэ үлэлиир буолбутум. Кырдьыга, бастаан утаа
ыарахан этэ. Оройуон сирин-уотун, дьонун-сэргэтин да
билбэтим. Онуоха эбии үлэм да ис хоһоонун соччо билбэт
этим. Ону, хата, Степан Степанович үлэм маҥнайгы сылла-
рыгар сүбэлээн-амалаан, көмөлөһөн абыраабыта. Кураан
дьыллар содулларыгар паникалаабакка, өссө холкуйан,
үчүгэйдик толкуйдаан, былааннаан, дьону кытта сүбэлэһэн
үлэлииргэ үөрэппитэ.
Степан Степанович райком бюротун, пленум чилиэттэ-
рин, сэбиэттэр үлэлэрин тус-туһунан аттаран уонна
сүрүннээн халбаҥнаабат сыһыаны тутара бүтүн оройуону
салайыыга күлүүс буолара. Онон райком аппараатын
үлэһиттэрэ бары биир киһи курдук үөрэ-көтө сылдьарбыт,
билигин санаатахха, астык да эбит.
Степан Степанович дьоҥҥо биир тэҥник сыһыаннаһары-
нан үлэлииргэ чэпчэки буолара. Сороҕор биһигини кытта
тэҥҥэ оонньоон-күлэн да ылара. Холобур, тэрийэр отдел
сэбиэдиссэйэ Миитэрэй Троев кабинекка киирэн иһэн
төттөрү ыстанар үгэстээҕин күлэн: "Тойон Троев эмиэ биэ-
тэҥэлээтэ, Ленин "биир хаамыы инники, икки хаамыы кэн-
ники" диэн үлэтин наһаа ааҕан, онтукатын аны атаҕынан
көрдөрөр буолбут", — диирэ. Эбэтэр биирдэ народнай хон-
туруол председателэ Николай Ефремович Аммосов коман-
дировкаттан кэлэн баран кэпсээтэ: "Суотту тумулугар саҥа
зоотехник кыыс кэлэн үлэлээн эрэр эбит. Олох умса бырах,
тиэрэ бырах аҕатын курдук", — диэтэ. Аҕата республикаҕа
киэҥник биллэр киһи этэ. Онуоха Степан Степанович күлэ-
күлэ: "Соччото суох хонтуруол буолбут. Саатар, тиэрэ бы-
рахтахха туох эрэ атыннаах ини", — диэбитэ. Ол аайы
күлсүү буолан ылара.