Page 116 - С.С.Аржаков, Н.Н.Петров. Военное лихолетье

лыыр саха уола Егор Корякин Корсунь-Шевченковскай
хочуол операциятын саҕана командующай, армия гене-
рала Ватутин “Виллис” массыынаттан тахсан аттылары-
гар турар саллааттарга туһаайан санааларын өрө көтөҕөр
тылы эппитин истэр дьолломмут эбит. Онтон ый буо-
лаат, “Боевой листокка” командующай араанньы буол-
бутун аахпыт.
Корсунь-Шевченковскай хочуолга Корякин хорсун
быһыытын рота командира Черных маннык уратытык
бэлиэтээбит. Кини ыҥырыытынан Егор блиндажка ки-
ирбит, онно дивизия командира олорор эбит. Чааннь-
ыктан куруускаҕа уу кутан баран: “За твою храбрость,
якут! Пей!” диэн бирикээстээбит. Биһиги киһибит “ох-
сон” кэбиспит, онтуката тыыннаах испиир үһү. Онтон
Черныхха: “Бу саллаакка сержант званиетын иҥэрин”
диэн дьаһайбыт. Онон Егор Корякин ити курдук наҕараадаламмыт. Отделение
командира буолбут, дьоно үксүлэрэ украинецтар буоланнар “сержант Ю рик” диэн
ааттыыллара үһү. Ити курдук күн-дьыл, дойду-сир ааһан иһэллэр. Пятихатка,
Чугуево, Новочеркасск, Харьков... Германия.
Германия сиригэр Егор Васильевич 225-с дивизия 1349-с полкатын кытта үктэм-
митэ. Бриг диэн куораты ылыыга дьиэ бастакы мэндиэмэнигэр биһиэннэрэ, төрдүс
этээһигэр немецтэр буолан сыталлара, ытыалаһаллара элбэх этэ. Оннук түбэлтэ-
лэр Кыайыы биллэриллибитин да кэнниттэн буолаллара диэн ахтар ветеран. Кини
сэриилэспитин тухары иккитэ бааһырбыт, “Хорсунун иһин” саллаат эрэ барыта
ытыктыыр мэтээлинэн, Сталинтан алта махтал суругунан наҕараадаламмыт.
Демобилизацияланан баран Егор Васильевич 1956 сыллаахха диэри Бүлүүгэ
сэллигинэн ыалдьар оҕолор дьиэлэригэр иитээччинэн, онтон учууталынан үлэлэ-
эбит. Онтон Свердлов куоракка юридическай институту бүтэрэн баран силиэдэбэ-
тэлинэн, старшай силиэдэбэтэлинэн, паспортнай остуол начальнигынан, вневе-
домственнай охрана старшай инспекторынан 1982 сыллаахха диэри ситиһиилээх-
тик үлэлээн полковник званиетын ылбыта, Ис дьыала министерствотыттан элбэх-
тэ наҕараадаламмыта, РСФСР Верховнай Советын Бочуотунай Грамотатын ылбы-
та. Билигин Аҕа дойду сэриитин I, II степеннэрдээх орденнарын кавалера, 23
мэтээллээх ветеран бэйэтин биир идэлээхтэрин кытта сибээһин быспат, кыаҕы-
нан араас дьаһалларга кыттыһар.

Николай ПЕТРОВ

ХОРСУН БУОЙУН, ПАТРИОТ ЭТЭ
Николай Михайлович Крылов диэн милиция офицера Бороҕоҥҥо үлэлиирин
туһунан мин өссө биэс уонус сылларга истэрим. Сүрдээх чуолкай, толоругас уонна
хорсун киһи диэн кэпсииллэрэ. Оттон дьиҥнээх бэйэтин 1963 сыллаахха Уус-
Алдан уонна Нам оройуоннара холбоһон, Орто Лена оройуона диэн буолбутгары-
нан сибээстээн, миигин саҥа оройуон партийнай комитетын бастакы секретары-
нан талбыттарын кэнниттэн көрсүбүтүм. Оччотооҕуга кини 41 саастаах күөгэйэр
күнүгэр сылдьар киһи этэ. Ол да иһин буолуо, 1963—1964 сс. урукку Уус-Алдан
оройуона салалтата суох кэриэтэ хаалан баран, милиция капитана Н.М. Крылов
баһылыктаах отделение күүһүнэн общественнай бэрээдэги көрүнэн, нэһилиэнньэ
быраабын араҥаччылаан олорбута.
1965 сыллаахха Уус-Алдан оройуона Намтан арахсан, хаттаан туспа оройуон
буолбута. Онон сибээстээн Николай Михайловиһы милиция оройуоннааҕы салаа-

114