Page 229 - Ульяна Винокурова. Е. П. Жирков Сайдыы суолун солоон...

1 сыһыарыы

йуу, өбүгэ үгэстэрин үөрэтии, норуот кутун-сүрүн, үтүө
өйүн-санаатын киһи-аймах уопсай культуратын кытта
дьүөрэлээн иҥэрии.
4. Билии-көрүү предметтэрин, духовнай, эстетическэй,
физическэй уонна үлэҕэ иитии сүнньүнэн национальнай-
региональнай компонены тутгуу.
5. Олохтоох усулуобуйаттан уонна баар кыахтан көрөн,
араас тииптээх оҕо тэрилтэтин, национальнай оскуоланы
арыйыы, үөрэх былаанын араас варианын туһаныы.
6. Аҕыйах ахсааннаах хотугу норуоттар тылларын өрүһү-
йэн, кыра оҕо тэрилтэтигэр уонна оскуолаҕа төрөөбүт тылы
киэҥник, дэлэйдик туттар усулуобуйаны тэрийии.
7. Оҕону дьиҥнээх олоххо уонна үлэҕэ бэлэмнээһин,
саҥа экономическай сыһыаҥҥа көһүү ирдэбилин учуот-
тааһын.
Национальнай оскуолаҕа үөрэх былаанын, программатын
уонна учебнигы оҥоруу уопсай төрүтэ
Национальнай оскуоланы саҥардан сайыннарыы Кон-
цепциятын сүрүн идеялара уонна балаһыанньалара, иитэр-
үөрэтэр үлэ принциптэрин уларыйыыта кыра оҕо тэрилтэти-
гэр, I, II, III кэрдиис оскуолаҕа, ПТУ, гимназия, лицей, кол-
ледж араас көрүҥэр республикатааҕы үөрэх былаанын, саҥа
көлүөнэ программалары уонна учебниктары саха, эбээн,
эбэҥки, чукча, долган тылынан ырытан оҥорууга түмүллэн
көстөр.
Үөрэх былаана төһө да элбэх араастааҕын, вариан-
нааҕын иһин, нэдиэлэҕэ көрүллэр уруок ахсаана Федерация
базиснай былаанын чааһытган элбээбэт. Республика оҥорор
уонна бигэргэтэр программалара, экзамен матырыйаала уоп-
сай орто үөрэххэ государство ирдэбилин (стандарт) таһымы-
гар сөп түбэһэр.
Республика национальнай оскуолатын бары кылааһыгар
(1-11) “Саха сирин төрүт омуктарын культурата” диэн уоп-
сай ааттаах саҥа предмет киирэр. Төрөөбүт литератураны,
эстетическэй, физическэй уонна үлэҕэ иитии предмеггэрин
кытта сэргэ бу предметтэн үөрэнээччи олохтоох норуоттар
материальнай уонна духовнай культураларын туһунан киэҥ

217
15 Заказ №