Page 127 - Кун кууьар хайатыттан

сымыытыгар маарынныыр. Сымыыттан тураах да, мохсоҕол
да тахсан кэлиэн сөп... Бу оҕо буойун буолан улааттаҕына,
биһиги барыбыт дьоло буолуоҕа. Кинини эн сурдьуҥ курдук
тутан сырыт, биэбэкээм.
— Ийэкэм, — диэтэ кыыс күлэ түһээт, — эн сүбэҕин ылы-
набын, кини мин сурдьум буолуоҕа, дьүдэйэн бардаҕына,
миэхэ этэр буолаар. Эн аатын кимий? — диэн баран, кыыс
миигин төҥкөйөн турдахпына сэҥийэбиттэн ылла.
— Дьарылык!3
— А, айналайын4... — дии түстэ эмээхсин уонна, эмиэ те-
бөбүн имэрийэн баран, чанчыкпыттан сыллаан ылла. — Эн
ыал соҕотох оҕото эбиккин — ким эрэ биэбэйдиир, хараастар
оҕото. Ийэҥ уонна аҕан Дьарылыктарын сүтэрэн, аһыыга-хо-
молтоҕо сырыттахтара. Тыыннаах буол, тукаам, өлүмэ-сүтүмэ.
Бар, кулунум оҕотоо. Эдьиийгин кытта барыс!
Итиннэ тиийэн баран, оҕонньор таннары сабырыттыбыт
маҥан хаастарын имэриммэхтээтэ уонна аргыый аҕай кому-
зун тыаһаппахтаан ылла.
— Баһылык, эн көмүскүн ууран, кэпсээҥҥин ситэрбэккин
эбээт, — диэтэ алта уончалаах эмээхсин.
— Эн эмиэ истиэххин баҕарбыккын дии, — оҕонньор ми-
чик гынна уонна өҕүллүбэт буолбут тобуктарыгар комузун
өйөннөрө уурда.
— Бу ыалдьыппыт суоҕа буоллар, кэпсээҥҥин иишгэр ил-
дьэ барыан этэ. Чэ, кэпсээ.
— Чэ буоллун, эмээхсиэн! Сопке этэҕин, — диэн баран,
атын кэргэнэ истэрин билээри, хааһын түрдэһиннэри тутту-
бутунан атын дьахтары одуулаһан олордо.
— Кэпсээ, баһылыкпыт! Биһиги көрдөһүүбүтүнээҕэр буо-
луох, сиэҥҥиттэн балыс саастаах көрүөхтэн кэрэ дьүһүннээх
эдэр кэргэниҥ көрдөспүтүгэр даҕаны эн ити кэпсээҥҥин
кэпсээбэтэҕиҥ эбээт, — диэтэ оҕонньор иккис кэргэнэ, саас
ортолоох дьахтар.
Эдэр кэргэн — хара-бараан дьүһүннээх эдэркээн кырасаа-
бысса. Оҕонньор кэпсээнин кини соччо сэҥээрбэттик истэн
олорор. Бэйэтин саастыыта дьахталлары кытта дөрүн-дөрүн

3 Дьарылык — харыстыыр киһилэрэ.
4 Айналайын — барахсан.
125