Page 131 - Кун кууьар хайатыттан

туом. Өйүҥ-санааҥ өһүллэ илигинэ таҥаһыҥ тэллэҕин алыс
арыныма эрэ!
— Эн миигин кыайан кулут оҥостумматаххына, сир бы-
йаҥнаах түөһэ эйигин умса кыраатаҕа буоллун!
— Эн кыайан эргэ тахсыбатаххына, түгэҕэ биллибэт хал-
лаан эйигин умса кыраатын!
Кэпсэтиилэрэ итинэн бүттэ. Анараа киһи халлаан сыр-
дыырын көһүтэ барбата. Өһүргэммит, ситиһиэх буолбут киһи
быһыытынан, түүн үөһэ дойдулаата.
Кини барбытын кэннэ кыыс хас да хонукка букатын саҥар-
бакка сырытта. Мин түөһүм иһэ үөрүүнэн туолла. Кыыс ки-
ниэнэ буолуо суоҕа дии санаан үөрдүм-көттүм. Ону тэҥинэн
«Кимиэнэ буолуой?» диэн эмиэ да мунаардым.
Биирдэ кыыс утуйаары оҥостон сыттыгын көбүтүнэ, суор-
ҕанын, тэллэҕин тэбэнэ туран, мичээрдээбитинэн миэхэ эттэ:
— Тоойуом! Эн дьиэ ортотугар миэхэ чугас кэлэн сыт.
Бу суорҕаньг тэлгэн, — диэн баран, баата суорҕаны быраҕан
биэрдэ. — Мантан биир сыттыгы ылаҥҥын, көбүтэн баран,
сытынан кэбис.
Мин кини чугаһыгар сыттым. Түөһүм иһигэр туох эрэ ор-
гуйда. Тугун бэйэм да билбэтим.
Кыыс миигиттэн ыйыталаһа сытта:
— Эн аҕаҥ биллэр киһи дуо? Хайа диэкиттэн кэлбиккин
билэҕин дуо? Эһиги олоххутутар диэри хас күн айаннаан тии-
йиэххэ сөбүй?
Мин сүрэҕим үөрэн өрө мөҕүстэ. Аҕам төрдүн-ууһун ордук
улаатыннаран кэпсии, кини ыйыттаҕын аайы, билбэт да суол-
бун барытын «билэбин» дни сыттым.
— Эн өйдүүгүн дуо, кыргыһыыга эн аҕаҥ толук төлүүрэ
дуу эбэтэр атыттары бэйэтигэр төлөтөрө дуу? — диэн ыйытар
кыыс.
— Өйдүүбүн. Мин аҕыстаах эрдэхпинэ улахан иирээн, ох-
суһуу буолбута. Онно сүүрбэ өлбүт киһи туһугар толук төлө-
бүрэ биһиэхэ түспүтэ. Мин аҕам биир да киһи туһугар төлөө-
бөтөҕө, биһиги аймах дьоно сүрдээх элбэхтэр, күүстээхтэр.
Аҕам толук көрдөөччүлэри бэйэлэрин буруйдаабыта уонна
кинилэртэн отут сүөһүнү уонна биир кыыһы былдьаабыта.
Биирдэ эмиэ маннык буолан турар. Биһиги биир уруубут кэрэ
кыыстаах этэ. Кини кэргэн барыах буолбут киһитин аҕата

9-18 129