Page 148 - Кун кууьар хайатыттан

Түгөлбай
Сыдыкбеков

1912 сыллаахха Ысык-Көл уобалаһын Түп оройуо-
нун Кеҥ-Суу аилыгар төрөөбүтэ.
Фрунзе куорат Тыа хаһаайыстыбатын технику-
мун, Ашхабадтааҕы Ветеринарнай институту бүтэр-
битэ.
Сопхуоска, бэчээт эйгэтигэр үлэлээбитэ. ССӨС,
Кыргызстан Үрдүкү Сэбиэттэрин депутатынан та-
лылла сылдьыбыта.
«Кеҥ-Суу», «Темир» (Тимир), «Биздин замандын
кишилэри» (Биһиги кэммит дьоно), «Тоо балдары»
(Хайа оҕолоро), «Тоо арасында» (Хайалар ортоло-
ругар), о.д.а. элбэх роман, хоһоон ааптара.
Кыргызстан Өрөспүүбүлүкэтин Дьоруойа, норуо-
дунай суруйааччыта, Наукаларын академиятын ака-
демига. Ill истиэпэннээх ССӨС Сталинскай бириэ-
мийэтин лауреата, Ленин, Үлэ Кыһыл Знамятын
уордьаннарын кавалера.

БИҺИГИ кэммит дьоно
(Романтан быһа тардыылар)

Арай мунчаарбыт, саҥата-иҥэтэ суох Мыскал эрэ уопсай
кэпсэтиигэ кыттыыны ылбакка испитэ.
...Элбэх да күн-дьыл ааста! Билигин сиппит, улахан кыыс
оччоҕо баара-суоҕа алта эрэ саастаах этэ. Бу массыына дьуру-
лаан иһэр хочотугар маннык киэҥ суолу тутар туһунан санаан
да көрбөт этилэр. Оччолорго кыараҕас ыллык суол эрэ баара.
Массыына диэн манна сүрдээх сэдэхтик көстөрө, ыҥыыр ат-
таахтар эрэ көтүтэн ааһар буолаллара.
Ол ыраах өрдөөҕү кэми, түүл-бит курдук эрэ өйдүүрэ.
Онно хайдах күн этэй — ону кыыс кыайан өйдөөн биэрбэтэҕэ.
Арааһа, халлаан сабыстан, ардах кыралаан таммалыы турара.
Ыраах Ысык-Көл тымныынан аҥылыйан харааран көстөрө.
146