Page 176 - Кун кууьар хайатыттан

ньугар көп хара баттаҕын намчы иилэҕэстэрэ охсуллаллар.
Бинсээгэ аллара сыҕаллыбытын тоҥолоҕунан өйөөбүт. Бэйэ-
тэ миигиттэн тэйиччи кэбиинэ аанын таһыгар чөкөтүк оло-
рор. Хааһын түрдэһиннэрэ сатыыр даҕаны, дьиҥ иһигэр, эйэ-
ҕэс-сайаҕас баҕайы кыысчаан быһыылаах. Мин уора-көстө
одуулаһарбыттан тулуйбата, сэрэммиттии мин диэки көрдө.
Харахтарбыт харсыһа түспүттэригэр иккиэн мичээрдээбип-
питин бэйэбит да билбэккэ хааллыбыт. Онуоха дьэ кэпсэтии-
ни көҕүлээн саҥа таһаардым:
— Мааҕын тоҕо массыына таһыгар тохтообуккунуй?
— Көмөлөһөөрү гыммытым, — кыыс көнөтүнэн судургутук
хоруйдаата.
— Көмөлөһөөрү даа? — күлэ түстүм. — Кырдьык даҕаны,
көмөлөстөҕүн дии! Эн кэлбэтэҕиҥ буоллар, ыкса киэһээҥҥэ
диэри олороохтуом этэ... Эн мэлдьи бу суолунан сылдьааччы-
гын дуо?
— Оннук. Пиэрмэбит мантан чугас.
— Дьэ үчүгэй! — үөрэн саҥа аллайбыппын кулгааҕым эрэ
истэн хаалла. — Суол үчүгэй эбит! — диэн көннөрүннүм.
Бу түгэҥҥэ массыына көлүөһэтэ суол охсуутугар түбэһэн,
эмискэ күөрэ-лаҥкы түһэрбитигэр санныбытынан охсуллан
ыллыбыт. Мин, суоппар ааттаах киһи, кыбыстан көхсүбүн эрэ
этитэн хааллым. Отгон кыыс хата күлэн лыһыгыратга. Оччо-
ну истибит киһи мин эмиэ күлэн тоҕо бардым.
— Мин, дьиҥэр, холкуоска кэлиэхпин олох баҕарбатаҕым
ээ! — күлэрим быыһыгар кырдьыгынан билинэбин. — Суолга
маннык үтүөкэн көмөлөһөөччүнү көрсөрбүн билбитим буол­
лар, диспетчери кытары хадаардаһан тыл бырахсыа суох
этим... Ээ дьэ, Ильяс, Ильяс! Ити мин бэйэбин сэмэлэнэбин.
Мин аатым Ильяс.
— Оттон мин Асель диэммин... — кыыс кэмчиэрийбиттии
бэйэтин билиһиннэрбитэ.
Аилга хайыы үйэҕэ чугаһаан эрэрбит. Суол быдан дэхси-
тийбитэ, түргэтээбиппэр аһаҕас түннүгүнэн үрэр күүстээх
салгын Асель чараас былаатын анныттан баттаҕын ыста. Кыыс
баттаҕын сүүмэхтэрэ тыалга тэлээрэллэрэ кинини өссө киэр-
гэтэрэ, көрүөххэ олус үчүгэйэ. Иккиэн саҥата суох олорорбут
үрдүнэн, сүргэбит көтөҕүллүбүтэ дьикти этэ. Ардыгар, күөс
бастынын анараа өттүгэр ончу билбэт да киһигин кытары
174