Page 178 - Кун кууьар хайатыттан

Дьэ кэргэн кэпсэтээччилэри бары үгэһи, сиэри-туому ту-
туһан көрсөр ыаллар эбит... Хайыахпыный, билигин аҕай үөр-
бүт-көппүт бэйэм сүөм түһэн, харыс хаалан таһаҕаспын сүө-
күү барарбар эрэ тиийдэҕим...
Аптабаазаҕа лаппа хойут тиийбитим. Массыынабын кыл-
баччы сууйан-сотон анал миэстэҕэ туруорбутум. Гарааска
ону-маны гыммыта буолан, төттөрү-таары мэскэйдэнэ сыл-
дьан, тоҕо эрэ наһаа санаам оонньообутуттан бэйэм кыйа-
ханан ол быһаарыытын тобулаары, төбөбүн сынньыбытым.
Суолу быһа, бүгүҥҥү түбэлтэни эргитэ санаан көрө-көрө,
бэйэбин буруйдана сатаабытым: «Дьэ туох баарый? Ааргы да
киһибин — кини миэхэ химий, кэргэн кэпсэппит кыыһым
үһү дуо?! Сатаатар, балтыҥ да буолбатах, туора киһи. Суолга
түбэһиэхчэ алҕас көрсө түспүтүҥ улахан эбит дии! Дьиэтигэр
илдьэн биэрбит да буол, тапталга билиммит киһиэхэ дылы
буоллаххыный?! Кини эйиэхэ туох да төрүөт биэрбэтэҕэ, олох
да кыһаммат ини. Ити кэлбит күтүөтгүүн эрдэ кэпсэтиилээх-
тэрэ буолуо... Оттон эн кимҥиний — суоппаргын, эн курдук-
тар суолга элбэхтэр... Уонна тоҕо эн туох эрэ бырааптаах киһи
курдук санааҥ оонньуохтааҕый? Дьон эрдэ илии охсуспут-
тар, уруу тэрийээри сылдьаллар, онуоха эн ойоҕостон ойох
көрдүүр курдук дьаабыланарыҥ сыыһа! Барытыгар силлээ —
ол ордук буолуо. Уруулгун эрийэргин бил, оннуга сөптөөх!»
Кыһытыан иһин, хайдах да бэйэбин сордообутум иһин,
Асель төбөбүттэн адьас тахсыбат. Массыынабын көрүнэн бүт-
түм. Уопсайга барыах эбиппин — уолаттар көрдөрө-нардара,
киһи элбэҕэ аралдьыйарга бэрт, кинигэ ааҕарга кыһыл муннук
эмиэ баар. Ол эрээри соҕотоҕун бэйэбэр бүгэ түһүөхпүн баҕа-
рар эбиппин. Мотуор ойоҕоһугар көлүөһэ сабыытын үрдүгэр
тиэрэ түһэн, кэтэх тардыстан сыта түһүүһүбүн.
Чугаспар Дьантай диэн суоппар массыынатын анныгар
киирэн тугу эрэ оҥосто сылдьара. Дьааматган былтас гынна:
— Тугу ыраланаҕын, эр бэрдэ?
— Харчы өлөрөр туһунан! — кыбдьыгырыы былаан харда-
рабын.
Сөбүлээбэт киһим этэ, наһаа иҥсэлээх, кэччэгэй. Эриллэ-
ҕэс-буруллаҕас уустук майгылаах, киитэрэй уонна дьону ор­
дук саныыр куһаҕан адьынаттаах. Атыттар курдук уопсайга
олорбокко, ханна эрэ аҥаардас дьахтарга хос наймылаһан
176