Page 310 - Кун кууьар хайатыттан

уостан уоска тарҕаппыттар. Инньэ гынан, ол киһи олоҕун ту-
латыгар үөскээбит аилы Бейишэке, онтон Бейшеке диэн аат-
таабыттар.
Ким да билбэт — ити быһаарыылар төһө оруннаахтарын,
ол гынан баран ким сылдьыбыт айылҕа бу сири маанылаабы-
тын илэ бааччы итэҕэйиэҕэ. Бейше кеттэн сарсыарда эрдэ тах-
сыбыт аттаах киһи күн ортотун иннинэ өнөр оттоох сайылык
мэччирэҥэр тиийиэҕэ — онно тулааһын үрдүк хайалар оту
курас, хаҕыс тыалтан харыстыыллар. Аилтан ол сайылыкка
тиийэн хаалбыт сүөһүнү булар, төттөрү дьиэтигэр аҕалар олус
диэн күчүмэҕэй буолар.
Өрдөөххө бу аил «Бешаке» дуу, «Бейиш экен» диэн дуу
ааттанар кэмигэр Уметаалы диэн булчут олорбут. Эрчимнээх
эрбэхтээх, сытыы харахтаах эр бэрдэ сайыннары-кыһыннары
аилы бүтүннүү чубуку уонна туртас этинэн аһатар эбит. Хара
өлүөр диэри Уметаалы бултуурун тохтоппотох, дьон кэпсии-
ринэн, олоҕун усталаах-туоратыгар уон үс төгүл тыһыынча
кыылы сууһарбыт. Булчут Уметаалы аиллаахтарын олус сөбү-
лүүр эбит, ол иһин кинилэр тустарыгар кыһаллан этинэн
хааччыйбыт.
Кини туһунан Бейшеке аилга элбэх сурах-садьык баар —
онтон хайата кырдьыгын, хайата сымыйатын быһаарар уустук.
Холобур, кинини көтөрү-сүүрэри харыстыыр улуу иччи Кай-
берен бэйэтинэн кыраабыта үһү.
Бейшекеннэр манныгы эмиэ кэпсииллэр: Баалыны ойох
ыларыгар Уметаалы сарсыарда уулуур сиргэ намтаабыт бы-
лыты түннэри ытан түһэрбит уонна онно эдэр кэргэнин
сөтүөлэппит, ол иһин Баалы ньыламан манан субалаах кэрэ
дьахтар буолбут.
Ону сэргэ булчут Уметаалыттан ойоҕо Баалы биэс уолу
төрөппүт, ол, биллэн турар, чахчы буолуохтаах, тоҕо диэтэххэ,
бейшекеннэр билиҥҥэ диэри дьоллоох Баалы ырыатын өй-
дүүллэр.
Сурпар дьабыкбашым12 — мин Дьалпатегым,
Түндүк дьабуум13 — бу мин Тугельбайым,
Сурдум боочута14 — бу мин Борбутайым,

12 Дьабыкбашы (жабыкбашы) — сурт үрүт болдьоҕо.
13 Түндүк дьабуу (жабуу) — суртан буруо тахсар дьелөҕөһүн (түннүгүн) сабыыта.
14 Боочу — сурт боолдьохторун холбуур тирбэҕэ быа.
308