Page 315 - Кун кууьар хайатыттан

үрдүнэн кынаттаах кэриэтэ көтүөлүүр, тэһиинэ босхо баран
намылыйбыт, туйахтара таастан сулус курдук ыһыллар кыы-
мы сардырҕата саҕаллар, сиэлэ уу сүүрүгүнүү суккулла дол-
гуннурар, түмүктүү баайыылаах көҕүлүн тыал өрүкүтэ оон-
ньуур, субурхай кутуруга киэмсийбиттии салгыҥҥа тэлээрэ
уйдарар... Дьэ уонна кытыт көтүтэн иһэр, көтүтэн иһэр...
Сит!.. Сит!.. Саба баттаа!.. Кытыт көтүтэн иһэр, кини килэбэ-
чигэс таһаатыттан аллыбыт күүгэннэр түүтэх-түүтэх көтөн-
нөр ыраах кэннигэр сиргэ симэлийэ түһэллэр... Сит!.. Сит!..
Саба баттаа!..
— Эн Кукук уонна Зейнеп туһунан номоҕу истибитиҥ дуо?
— Суох.
— О-оо, олус курус номох. Олус санаарҕабыллаах номох.
Бары номохторго баар бу номоххо суох.
— Кэпсээ, Бекбосун!
— Курус баҕайы ээ бу номох.
— Син биир кэпсээ, Бекбосун.
— Хаһыын эрэ бэрт былыр Кукук диэн баатыр уонна Зей­
неп куо бэйэ-бэйэлэрин олус күүскэ таптаспыттар. Таптал-
лара күүһэ-суоһа бэрдиттэн, кинилэр кыһын көрүстэхтэринэ
хаар ууллан үрүйэлэр кылыгырыы сүүрдэллэрэ, ол үрүйэлэр
кытылларыгар чэчиктэр силигилии тыллаллара, оттон сайы-
нын көрүстэхтэринэ — ол суоһуттан халлааҥна былыттар
ууллаллара уонна ардах буолан түһэллэрэ, оччоҕо ол илгэтин
чэчиктэр уулаан иҥэринэллэрэ. Кукуктаах Зейнеп дьолло-
ро уһаабатаҕа. Хара күн кинилэргэ эрэ буолбакка, бүтүн ил
дьонугар аан наабыта — өстөөх кинилэр сирдэригэр сэриинэн
саба түспүтэ. Кукук баатыр кырыктаах өстөөҕү кытары кыр-
гыһыыга аттаммыта, өр кэм устатыгар тапталлааҕар эргиллэн
биэрбэтэҕэ. Кукук өстөөҕү кытары кыргыһа сылдьар кэмигэр
Зейнепкэ киһи бодотун ылыммыт кубулуҥса абааһы тиийэн
кэлбитэ. Кини Кукуктаах Зейнеп дьоллоох тапталларыгар ым-
сыырбыта, ордук санаабыта өртөн-быдантан этэ — тапталла-
рын алдьатыан олус баҕарара. Дьэ ол гынан, Зейнепкэ кэлэн
Кукук кыргыс толоонугар өлбүтүн туһунан кэпсиир. Ынырык
сураҕы истээт, Зейнеп уҥан хаалар, абааһы кини утарылаһар
кыаҕа суоҕун туһаммыт уонна, онтун туоһу гынаары, Кукук
баатыр киниэхэ бэлэхтээбит ытарҕатын устан ылбыт. Төһө
313