Page 331 - Кун кууьар хайатыттан

тым, утуйар хоһугар эркиҥҥэ былыргы үйэтээҕи таҕа ыйанан
турара. «Ээ, уолчааныам, ити эйиэхэ туохха туһалааҕый?» —
диибин. Онуоха кини: «Ити дьолу-соргуну аҕалар. Таҕаны
ыйаан турар киһи дьоллоох буолар», — диэн хоруйдуур. Мин
күлэ санаабытым. Кыргыз уола дьиэтигэр ат таҕатын ыйаан
турара диэни ким ханна көрбүтэй? Дьиэбэр кэлэн баран,
сиэмминэн саһыл тириитин ыыппытым, таҕа оннугар эрки-
нигэр ыйаатын диэн. И-ии, эркиҥҥэ саһыл тириитэ ыйанан
турара хайдах курдук кэрэний! Туох дии саныыгыный? Уол-
бар эмиэ ыалдьыттыы тиийэбин, таҕа ыйанан турбутун кур­
дук турар, отгон саһыл тириититтэн кийиитим ууп-улахан,
казан курдук быһыылаах бэргэһэни тиктибит, — оҕонньор
эмиэ күлэн ылбыта. — И-ии, оттон сөбүлүүр буоллаҕына,
кэттин ээ баҕатын хоту, биллэн турар... Тукаам, эн тайаҕыҥ
бэрт дьикти эбит. Кер-Табылгы сайылыгын таһыгар, бука,
булбутуҥ буолуо?
— Оннук, — «маныыһыкка, ким эмэ кэлиэн иннинэ бара
оҕустахха сатанар» диэн саныы олорор Шумкалпак мээнэ
сөпсөһөн аатыгар эрэ сана таһаарбыта. — Мин көрдөхпүнэ,
аҕаккаа, тайах маһы олус сөбүлээтиҥ быһыылаах, маны эн
ыл, мин бэйэбэр саҥаны оҥостуом.
— Махтанабын, тукаам, — маныыһыт мичээрдээн баран
салгыы санарбыта. — Хор, мантыҥ миэхэ чахчы туһалаан да
турдаҕына көҥүл... Бэҕэһээ киэһэ миэхэ ыанньык сүөһү би-
ригэдьиирэ уол кэлэ сылдьыбыта. Холуочук, ата күүгэн аллы-
быт. Чэй иһээт, тута утуйан хаалбыта. Утуйа сытар кэмигэр ата
сынньана, мэччийэ түстүн дни санаабытым. Ол иһин атаҕын
баайан ыытан кэбиспитим. Сарсыарда турбуппут, ата хан­
на эрэ уччуйан хаалбыт. Биригэдьиир уол аймаммыта ахан,
ханнык эрэ күрүөйэх туһунан буллугураабыта. Мин биһиги
дойдубутугар ол хайа күрүөйэх баар буолбутун туһунан ыйып-
пытым. Онуоха кини: «Хайдах, аҕаккаа, тугу да истэ илик-
кин дуо? Хайа эрэ төбөт Бейшеке аилга ситэн турар бурдугу
бүтүннүү уоттаан кэбиспит уонна бэйэтэ хайаҕа күрээбит.
Баччааҥҥа диэри була иликтэр. Баҕар, ол кини мин аппын
күрэппитэ буолаарай?» — диэн эппитэ.
Кини олус куттаммытын көрөммүн, бэйэм уолбун кинини
кытта аты көрдөтө ыыппытым, оттон бэйэм, бу хойдору мэч-
329