Page 142 - Дойдум Уус-Алдан Хорого

. : ' Дойдум - Уус-Алдан Хорою :::::::::,:,

чиэһин үгүстүк көмүскээбитэ. Маны таһынан Афоня ат спордун сөбүлүүрэ. Оччотооҕу «Кыһыл
маяк» колхоз сүүрүк аттарын ипподромка кини эрэ миинэн сүүрдэрэ. Кини ат үрдүгэр олорон
биэтэккэ тахсыар диэри атыгар сыста сытынан кэбиһэрэ. Ыраахтан көрдөххө, сүүрдээччитэ суох
ат сүүрэн иһэрин курдук буолара. Бэйэтэ да кыра, хатыҥыр буолан акка ноҕурууска буолбат этэ.
Ол иһин «маяктар» кинини өр кэмҥэ ат сүүрдээччи оҥостубуттара. Афоня куруутун үөрэ-көтө,
табаарыстарын кытта күлэ-үөрэ дьээбэлэһэ сылдьар буолааччы.
Афанасий Степанович Макеев 1951 сыл ыам ыйыттан комсомол путевкатынан ис дьыала
министерствотыгар үлэлии киирбитэ. Кини 1952 сыл атырдьах ыйыгар диэри Верхоянскай оро-
йуонун участковай уполномоченнайынан ананан үлэлээбитэ. Онтон 1952-1954 сс. РСФСР Хаба-
ровскайдааҕы милиция оскуолатын ситиһиилээхтик үөрэнэн бүтэрбитэ. Ити үөрэҕи бүтэрэн баран,
Орто Халыма оройуонугар уголовнай розыск старшай оперуполномоченнайынан үлэлээбитэ. Кэлин
1958 сыл алтынньытыттан 1961 сыл ыам ыйыгар диэри Нам, онтон салгыы Тааттаоройуоннарыгар
ити дуоһунастарга ананан үлэлээбитэ. Сулууспатыгар бэриниилээх уонна таһаарыылаах үлэлээх
эдэр киһи 1962-1965 сс. РСФСР Москватааҕы үрдүкү оскуолатын ситиһиилээхтик үөрэнэн бүтэр-
битэ. Кини үөрэҕин бүтэрэригэр майор званиетын кытта үрдүк үөрэхтээх юрист аатын ылан кэлэн
Амма оройуонун ИДьО начальнигынан сулууспатын салҕаан барбыта. Ити кэнниттэн Афанасий
Степанович 1969 сыл кулун тутар ыйтан 1971 сылга диэри Мирнэй куорат алмааһы хостуур про-
мышленноһыгар охрана отделын начальнигынан көһөрүллэн үлэлээбитэ. Ис дьыала министер-
ствотын линиятынан үлэлээбит үлэтин үрдүктүк сыаналаан Афанасий Степановичка «За 10 лет
безупречной службы МВД СССР», «За 15 лет безупречной службы МВД СССР», «50 лет в ознаме­
новании советской милиции» диэн медалларынан наҕараадаламмыта. Кэнники сылларга доруо-
буйата мөлтөөн Афанасий Степанович араас гражданскай үлэлэргэ үлэлии сылдьан доруобуйа-
тынан I группалаах инвалид буолбута. Кэргэнэ Сивцева Екатерина Васильевна Нам оройуонуттан
төрүттээх буолан кэлиҥҥи сылларга онно олохсуйбуттара. Икки кыыс оҕолоохтор.
Афанасий Степанович ыарахан ыарыыга ылларан суорҕан-тэллэх киһитэ буолан сыттаҕына,
Намка бара сылдьан көрсүбүтүм. Онно миигин көрөөт, кини олус диэн үөрбүтэ. Дойдутун дьонун-
сэргэтин быыһа-арда суох өрүһүспүттүү сураһаахтаабыта. Ол быыһыгар сирин-дойдутун туругун
ыйыталаһара. Мин хонон-өрөөн барарбар олус баҕарбыта да, биһиги ыксыы сылдьар үгэспитинэн
ол кыаллыбатаҕа.
Эдэр сааһыттан комсомол ииппит уола Афанасий Степанович олоҕун усталаах-туоратыгар
кырдьыктуругурарын туһугар сыратын-сылбатын, күүһүн-уоҕун харыстаабакка үлэлээбитэ. Кини
1987 сыл тохсунньу 6 күнүгэр сырдык тыына быстыбыта. Биһиги кини үөлээннээхтэрэ баарбыт
тухары Афанасий Степанович үтүө аатын үрдүктүк тутаммыт эдэр ыччакка билиһиннэрэр
эбээһинэстээхпит.
/Н. ОРЛОВ, МС, 16-20. 1999 с./

Кыайыыны Германияҕа көрсүбүтүм
Ахтыы

Афанасий Иванович Стручков өссө 1930 сыллаахха 14 саастааҕар сака тэриллибит «Хатык
Сыһыы» колхозка чилиэнинэн киирбитэ. 1932 сыллаахха «Бөрөлөөххө» аһыллыбыт улахан дьону
үөрэтэр оскуолаҕа үөрэнэн, ааҕар-суруйар буолбута, 1936 сыллаахха бэйэтэ улахан дьону үөрэп-
питэ. 20 саастааҕар 1937 сыллаахха «Хатык Сыһыы» колхоз ыччаттарыттан бастакынан комсо-
молга киирэн, ыаллыы «Куотука» колхоз комсомольскай тэрилтэтигэр учуокка турбута. Кини
холобурун батыһан, колхоһун уолаттара уонна кыргыттара комсомол га көхтөөхтүк киирэн бар-
быттара, онон «Хатык Сыһыы» колхозка комсомольскай тэрилтэ тэриллибитэ. Ити 1937 сыл
күһүнүттэн «Хаптаҥатааҕы» колхознай оскуолаҕа суоччут курсугар үөрэммитэ. Ону бүтэрэн,
колхоһугар суоччутунан үлэлээн барбыта. А.И.Стручков суот үлэтигэр барыта 20 сыл, ол иһиттэн
бөдөҥсүйбүт Партизан Егоров уонна Партизан Заболоцкай аатынан колхозтарга 16 сыл устата
бухгалтерынан үлэлээбитэ. Кини нэһилиэгэр Сэбиэт секретарынан, Сэбиэт председателинэн, биэс

138