Page 147 - Дойдум Уус-Алдан Хорого

.............. I .:........................................ Хоро нэһилиэгин историята...= = ..... = .=..... !.= ... Г............
тулаайах хаалан бараннар убайдарыгар Крылов Гаврил Гаврильевичка, эдьиийдэрэ Өлөөнчүккэ
сөрөнөн бэйэ-бэйэлэрин көрсөн улааппыттара. Кэлин «Куотука» колхозка чилиэнинэн киирэн колхоз
араас үлэлэригэр үлэлээн дьон буолтара.
Митрофан 1936-1940 сс. үөрэнэн Чаран начал ьнай оскуолатын ситиһиилээхтик бүтэрбитэ. Онтон
салгыы Мүрү ситэтэ суох орто оскуолатыгар бэһис кылааска киирэн үөрэнэн иһэн, аҕата өлөн
үөрэҕин тохтоппута. 1940 сылтан колхозка бастайааннай үлэһит буолар.
1944 сыл күһүн райсовет бэбиэскэтинэн ынырыллан 1945 с. тохсунньу ыйтан түөрт ый үөрэнэн
тракторист идэтин ылар. Оччолорго ХТЗ диэн ааттанар көлүөһэбэй трактор этэ. Ити саас аан
бастаан трактор уруулугар олорон ыһыыга үлэлээбитэ. Ыһыыны ыһан бүтээтин кытта, 1945 с.
саас Кыһыл Армия кэккэтигэр сулууспаҕа ыҥырыллар. Кини 1951 сылга диэри Забайкальскай
байыаннай уокурукка оружейнай-минометнай мастарыскыайга старшай специалист быһыытынан
сулууспалаабыта, старшай сержант званиетын ылбыта. 1951 сыллаахха армияттан төннөн кэлээт,
токарнай станокка үлэлээн токарь идэтин баһылыыр. Бу ылбыт идэтинэн 1957 сыллаахха диэри
үтүө суобастаахтык үлэлээбитэ. 1952 сыллаахха оройуон салалтата «элбэх идэни баһылыырга»
диэн ыҥырыы таһаарбыта. Онуоха Митрофан оройуоҥна бастакынан бачыым көтөхпүтэ. Бастаан
С-80 тракторга кэтэхтэн үөрэнэн С-80 трактор тракториһа буолар. Бу тракторга быраатынаан
Крылов Афанасий Дмитриевичтыын оройуон колхозтарын кэрийэ сылдьан сир оноһуутугар
таһаарыылаахтык үлэлээбиттэрэ. 1958 сылтан аны суоппар идэтин ылан уонча сыл араас марка-
лаах массыыналарга үлэлиир. 1967 сылтан 1979 сылга диэри оройуоннааҕы «Сельхозтехникаҕа»
завгарынан, онтон салгыы массыынаны өрөмүөннүүр сыах начальнигар тиийэ үүммүтэ. Митрофан
Прокопьевич завгарынан үлэлээбит сылларыгар 40-н тахса массыыналаах этэрээти салайбыта.
Массыыналар саахалланыыта суох үрдүк оҥорумтуолаахтык үлэлииллэрин ситиспитэ. Бэрээдэги,
суолга сэрэхтээх буолууну сүрүн сыал оҥостон булгуччу ирдиирэ.
Митрофан Прокопьевич сүрүн үлэтин тас өртүнэн кэккэ сылларга 50-тан тахса чилиэннээх
комсомольскай тэрилтэни салайбыта. «Ыччат элбэх идэни баһылыырга» диэн көтөхпүт бачыымын
олоххо киллэриигэ ыччат ортотугар үгүс өрүттээх үлэни тэрийбитэ, элбэхтик сүүрбүтэ-көппүтэ.
Митрофан Прокопьевич үрдүк оҥорумтуолаах үлэтин партия уонна правительство үрдүктүк
сыаналаан, 1966 сыллаахха «Бочуот Знага» орденынан наҕараадалаабыта. Кини бэйэтэ көтөхпүт
бачыымын тылтан дьыалаҕа дьиннээхтик дакаастаабыта. Ол курдук тракторист, токарь, слесарь,
суоппар, крановщик, массыыналары өрөмүөннүүр сыах начальнигын курдук элбэх идэни ылан
үлэлээбитэ билигин үлэлиир ыччакка үтүө холобур.
Митрофан Прокопьевич 1963-1965 сс. РСФСР социалистическай куоталаһыыга туйгуна значогу-
нан икки төгүл, тыа хаһаайыстыбатын производствотын техническэй хааччыйыыга ССРС госу-
дарственнай комитетыттан уонна тыа хаһаайыстыбатын үлэһиттэрин профсоюһун Киин Коми-
тетыттан Бочуотунай Грамоталарынан наҕараадаламмыта. Маны сэргэ хас да юбилейнай медал-
ларынан, элбэх бочуотунай грамоталарынан сыаналаах бэлэхтэринэн бириэмийэлэммитэ.

/МС, ыам ыйын 12 күнэ, 1994 сыл./

Үтүмэн элбэх үтүөлээх

Иван Яковлевич Неустроев бастакы артыалтан саҕалаан 47 сыл устата тохтоло суох үлэлээн
баран биирдэ пенсияҕа олорбута. Сана олох олугун уурсан, бу олоҕу бөҕөргөтөр туһугар үтүмэн
элбэх үлэни үлэлээбит үтүөтэ дьон-сэргэ билиитигэр тахсара наадалаах диэммин, мин кини туһунан
кылгас бэлиэтээһиннэри суруйарга сананным.
1929 сыллаахха Тандыгы үрэҕэр «Бааппы» диэн сиргэ Лука Ильич Андросов «Кэскил» комму-
наны тэрийбитэ. Иван Неустроев 17 саастааҕар бу коммунаҕа чилиэнинэн киирбитэ. Нөҥүө сы-
лыгар «Кыһыл Танда» колхоз тэриллибитэ. Иван эмиэ бу колхозка чилиэн буолбута. Кини бу
колхозка 1931-1934 сыллардаахха биригэдьииринэн уонна колхоз бырабылыанньатын чилиэнинэн,
1936-1943 сылларга колхоһугар хонуу биригэдьииринэн үлэлээбитэ.

143