Page 215 - Курбуьахтар А5а дойду кемускэлигэр

Ким да умнуллубат, туох да умнуллубат!

АММОСОВ ПЕТР СТЕПАНОВИЧ
(1899-1982)

1899 сыллаахха I Курбуһах нэһилиэгэр Бул-
гунньахтаахха төрөөбүт. Абаҕата Аммосов Абрам
Петрович, оҕото суох киһи, кыһыл оҕону иитиэххэ
көрдөөн ылбыт. Сэттэ сааһын туолбутун кэннэ аҕа-
та Аммосов Степан Кирикович куоракка эһэтигэр
Кирик Петрович Аммосовка киллэрбит. Эһэтэ куо-
рат атыыһыттарыгар тутуу маастарынан үлэлиир,
сытыы-хотуу киһи эбит.
12 сааһыгар диэри куоракка эһэтигэр сылдьан
баран Курбуһахха абаҕатыгар төттөрү тахсыбыт.
Бу кэмҥэ I Бэрт Ууһугар оскуола аһыллыбыт, онно
нэһилиэк кинээһэ 2 оҕону үөрэттэрэ ыыппыт, онон 1913 сыллаахха бу
оскуола үөрэнээччитэ буолбут. Эһиилигэр сытыы-хотуу, үөрэҕэр үчүгэй
уолу куоракка миссионерскай оскуолаҕа үөрэттэрэ ыыппыттар. Бу оскуо-
лаҕа үөрэнэ сылдьан 1916 сыллаахха ыалдьан, үөрэҕиттэн тохтоон хаалар
уонна дойдутугар Курбуһахха тахсар.
1920 сыллаахха Бороҕон улууһун кииниттэн тахсан, нэһилиэккэ Сэбиэ-
ти тэрийбиттэр, 25 чилиэннээх ревком тэриллибит, онно талыллан үлэ-
лээн-хамсаан барбыт. Куоракка үөрэммит буолан наар сурук үлэтигэр сыл-
дьыбыт.
1932 сыллаахха куоракка үөрэххэ ыыппыттар, онно икки сыл үөрэммит.
1932 сыллаахха үөрэҕин бүтэрэн Танда оскуолатыгар начальнай оскуолаҕа
учууталлаабыт. Онтон 1935 сылтан Курбуһах оскуолатыгар үлэлээбит.
1942 сыллаахха Аҕа дойду сэриитигэр ыҥырыллан Красно-Армейскай
куоракка судноны өрөмүөннүүр собуокка үлэлээбит. 1946 сылтан «Кыһыл
хардыы» холкуоска суоччутунан, кыладыапсыгынан үтүө суобастаахтык
үлэлээбит. Кэлин сааһыран баран Курбуһах интернат-оскуолатыгар техни-
ческэй үлэһитинэн сылдьыбыт, 72 сааһыгар биэнсийэҕэ тахсан бочуоттаах
сынньалаҥҥа олорбут.

Тыылга Кыайыыны уһансыбыт курбуһахтар / «Курбуһах нэһилиэгэ» муницип.
тэриллии дьаһалтата; Н.С.Пестряков аатынан Уус Күөлүнээҕи модель. б-ка.—
Дьокуускай, 2020.— С. 29-30.

197