Page 137 - Агабыт туьунан иьирэх тылынан

Төрөппүттэрбит тустарынан
Биһиги ийэбит Аграфена Власьевна Иванова - Макеева 1934
сыллаахха ыам ыйыгар Марфа Петровна уонна Влас Алексеевич
Макеевтарга Тиит Арыыга Танда үрэҕин Баттах диэн сиргэ сэт-
тис оҕонон күн сирин көрбүт. Ийэтэ Марфа Петровна, аҕата Влас
Алексеевич, оччотооҕу кэмҥэ холкуос тутаах үлэһиттэрэ, ийэтэ
- ыанньыксыт, аҕата холкуос ыар үлэтин барытын үлэлиир эбит-
тэр. Сайынын үчүгэй от охсооччу этэ диэн хойукка диэри ахтан
кэпсииллэрэ үһү. Ийэбит кыра оҕо эрдэҕиттэн ыарыһах буолан,
үс кылаас үөрэхтээх. Инньэ гынан, кыра сааһыттан аҕатыгар
көмөлөһөн, тэҥҥэ сылдьыһан эр киһи үлэтин барытын үлэлиирэ
үһү. Тыаҕа мас охторон, уокка отторго бэлэмнээн оҕуһунан тиэйэн
аҕалаллара үһү. Сэрии буолар сылыгар сэттэ сааһын саҥа туолбут.
Бииргэ төрөөбүт үс убайа сэриигэ барарга бэбиэскэ туппуттар.
Ийэтэ Мааппа уолаттарын атаарарыгар ытаа да ытаа буолбут. Ону
көрөн, ийэбит икки илиитин аан холуодатыгар былаастыы ууран:
«Аата ытаан хааллаххыный? Сэриилэһэн бычырхатыһан-бычыр-
хатыһан баран төннөн кэлиэхтэрэ!» - диэн саҥалаах буолбут.
Онуоха ийэтэ: «Сэриилэһэ бардылар, тыыннаах кэлэллэр эрэ, суох
эрэ!» - диэн мөхпүт. Ол курдук үс бииргэ төрөөбүт убайа Аҕа дойду-
ну көмүскүүр сэриигэ ыҥырыллан барбыттар уонна үһүөн этэҥҥэ
тыыннаах эргиллэн кэлбиттэр. Кэнники убайдара: «Бу кыыс биһи-
ги этэҥҥэ тыыннаах эргиллэн кэлэрбитин түүйэн билбит эбит»,
- диэн кэпсэтэллэрэ үһү. Аҕата Влас Алексеевич аҥаар харахтаах
буолан сэриигэ барбатах, ол оннугар Булуҥҥа балыкка ыыппыт-
тар. Онно тиийэн этэҥҥэ үлэлээн, дойдутугар эргиллэн кэлбит.
Аҕабыт Николай Матвеевич Иванов Өнөртөн төрүттээх, Тан-
даҕа Герой Егоров аатынан холкуоска монтерынан үлэлии кэл-
бит. Ол кэлэн биһиги ийэбитин таба көрөн, 1958 сыллаахха саас
ыал буолан холбоһон олороллор. Бастакы оҕолоро 1959 сыллаах-
ха күн сирин көрөн, барыта сэттэ оҕону төрөтөн ийэ-аҕа дьолун
135