Page 138 - Агабыт туьунан иьирэх тылынан

билэллэр. Аҕабыт ийэбитин Аграфена Власьевнаны биһиэхэ, оҕо-
лоругар, олус үчүгэйдик ахтан кэпсиирэ.
Аҕабыт Танда үрэх сүнньүгэр олорор бөһүөлэктэргэ бастакы
уот линиятын тардан киллэрбит киһи буолар. Бөһүөлэк аайы
станция туруоран, ситим тардан, электричествоны ыал аайы
бастакынан киллэрбит киһи - кини.
Хойукка диэри Уот Уйбаныап диэн ааттанар этэ.

Кыргыттара Анна, Марфа

Таайым туһунан

Таайым Иванов Николай Матвеевич
1925 сыллаахха Өнөр нэһилиэгэр Кэлэди-
мэ алааска төрөөбүт. Бииргэ төрөөбүт
алтыа эбиттэр даҕаны биир кыыс оҕо
өлөөхтөөбүт, онон биэс оҕо хаалбыттар.
Аҕалара Матвей Иванович 1923 сыллаахха
Бээрийэттэн төрүттээх Анна Степановна
Васильеваны сүгүннэрэн аҕалан, Кэлэ-
димэ алааһын арҕаа төбөтүгэр Маттаҕа
диэн сиргэ олохсуйбуттар. Эһэбит Матвей
Иванович Көскөөлөртөн төрүттээх. Ки-
нилэр бииргэ төрөөбүттэр сэттиэлэр. Эбэ-
бит Анна Степановна бииргэ төрөөбүт эмиэ сэттиэ эбиттэр. Эбэбит
бырааттара - түөрт уол - Аҕа дойду сэриитигэр ыҥырыллыбыттар
уонна сэрии толоонуттан үс уол төннүбэтэхтэр. Арай аччыгый уол
Иннокентий сэрииттэн эргиллэн кэлэн, Бороҕоҥҥо лесхозка үлэ-
лээбит. Икки кыыс оҕолоох, сиэн элбэх.
Эбэбит Анна Степановна ыалдьан эрдэ өлөөхтөөбүт, ити 1938
сыллаахха. Ол иһин эһэбит Маппый биэс оҕолоох соҕотох хаалбыт.
Эһэбитин Аҕа дойду сэриитин кэмигэр 1943 сыллаахха үлэ фрону-
гар хоту оройуоннарга үлэҕэ ыыта сылдьыбыттар.
Тулаайах хаалбыт биэс оҕону тус-туспа ыалларынан тарҕа-
тарга күһэллибиттэр. Таайым Ньукулай Бороҕоҥҥо почтаҕа үлэ-
лээбит, ийэм Өлөксөөндөрө Бээрийэҕэ аймахтарыгар барбыт, биир
таайым Көстөкүүн Бороҕоҥҥо интернакка, Бүөтүр Баатаҕайга,
Тойторуон Дүпсүҥҥэ Рожин Иван Романовичтаахха олорбуттар.
Кинилэр, бары сэрии кэмин оҕолоро, тулаайахтара, аас-туор,
аччык олоҕу эттэринэн-хааннарынан билбиттэрэ, улахан дьону
кытта тэбис-тэҥҥэ үлэлээбиттэрэ.

136