Page 24 - Агабыт туьунан иьирэх тылынан

былыты үрдүнэн американскай самолеттар (бомбардировщик-
тар) көтөн ньирилэһэ ахан сылдьаллар эбит. Ону биһиги зе-
нитчиктэрбит аллараттан өрө ытыалаан субуруҥнаталлар. Ол
иһин куорат уотун бүтүннүү быспыттар эбит. Сэриини бастаан
илэ харахпынан көрүүм итинник этэ.
Сотору буолаат биһигини Кореяҕа сэриигэ киллэрбит-
тэрэ. Ол киирэн биир сиргэ биллэрбэккэ эрэ олорбуппут кэн-
нэ биир сарсыарда эрдэ эмискэччи биһигини американскай
самолеттар бомбалаан, ытыалаан бардылар. Хас да киһибитин
өлөрдүлэр. Соһуйуу, уолуйуу, аймалҕан бөҕө буолла. Хардары-
та ытыалаһыы бөҕө буолла. Сэриини эппинэн-хааммынан
бастакы билиим, сэриигэ сүрэхтэниим аан маҥнай итинник
этэ. Оттон сотору олорор сирбитин уларыттыбыт, атын сиргэ
көстүбүт. Итинник уларыйан көһүүлэр баар буолаллара. Итин-
ник гымматахха американскай самолеттар анаан бултаһал-
лара, биһиги батареяларбытын үнтү бомбалаан, дэлби ытыа-
лаан суох оҥортууллара, ол иһин көһөн саһыылар бааллара.
Дьэ итинник күнүс буоллун, түүн буоллун, ытыалһа-ытыалаһа
биир сыл кэриҥэ олорбуппут кэннэ, биһиги полка штабын
уонна штаб батареятын, биһигини, Советскай союз үс төгүл-
лээх геройа Кожедуб авиационнай дивизиятын штабын уонна
аэродромнарын өстөөх саба түһүүтүттэн көмүскэтэ киниэхэ
көһөрдүлэр. Онно тиийэн сылы эрэ кыайбат кэмҥэ эмиэ түүн-
күнүс ытыалаһа-ытыалаһа олордубут. Хас ытыалаһыы аайы
икки өттүттэн - Америка да, советскай да өтүттэн өлүү-сүтүү
бөҕө тахсара.Кожедуб аэродромнарыгар олорор биһиги совет-
скай самолеттарбытын Америка истребителлэрэ тоҕута ытыа-
лаан кэбиһэллэрэ. Летчик бөҕө икки өттүттэн өлөрө. Ити кур-
дук олордохпутуна биһиэхэ эмискэччи солбук кэлэн, биһигини
Иркутскайга көһөрбүттэрэ. Онтон дьиэбитигэр ыыппыттара.
Кытай улуу баһылыга Мао Цзэ Дун наҕараадатын ылбып-
пыт. Сталин махталын биллэрбитэ. Мин биир манныгы
этиэхтээхпин: атын государстволар иирсээннэригэр советскай
саллааттары сэриигэ ыытыы Аҕа дойду сэриитин инниттэн
баара. Ол курдук 1937-1938 сыллардаахха Испанияҕа ыытыл-
лыбыттара, Монголияҕа дьоппуоннары утары ыытыллыбытта-
ра. Оттон Аҕа дойду сэриитин кэнниттэн уонтан тахса дойдуга
ыытыллыбыттара. Мин итинниги сөбүлээбэппин. Корея сэрии-
тэ саамай өлүүлээх сэрии эбит. Киин хаһыаттар «Корея сэрии-
тигэр икки өттүттэн гражданскай нэһилиэнньэни киллэрэн ту­
ран барыта 9,5 мөлүйүөн киһи өлбүтэ» диэн суруйаллар.
Мин идэбинэн зенитнэй артиллерияҕа телефонист, свя­
22