Page 25 - Агабыт туьунан иьирэх тылынан

зист этим. Онон зенитнэй батареялар икки ардыларыгар те-
лефоннай сибээһи коммутатор нөҥүө холбооһун, сэриилэһии
кэмигэр алдьаммыт телефоннай ситими суһаллык оҥоро охсуу,
арыт сэриилэһэр зенитнэй батареяларга өстөөҕү утары уоту
аһарга «Огонь» диэн хамаанданы биэрии буолара. Утары ох-
суһар өстөөхпүт диэн наар американецтар буолаллара. Ол эрээ-
ри саллааттара араас омуктар этилэрэ: негрдар, австралиецтар,
англичаннар, американецтар уонна да атыттар. Оттон биһи-
ги саллааттарбыт Союз бары бөдөҥ да, кыра да омуктарыттан
састааптааҕа.
Биһиги зенитчиктэр буоларбыт быһыытынан өстөөх наар
салгынтан саба түһүүтүн утары охсуһарбыт. Кинилэр «Сейбр»
диэн олус түргэн сырыылаах реактивнай истребителлэрэ сото-
ру-сотору биһиэхэ саба түһэллэрэ. Сорох күн үстэ-түөртэ кэлэл-
лэрэ, сороҕор төрүт да бокуой биэрбэттэрэ. Олус намыһаҕынан,
тиит үрдүгүн саҕанан көтө сылдьан биһигини пулеметунан
ытыалыыллара. Биһиги «МЗА» диэн мүнүүтэҕэ 160 снаряды
таһаарар кыра пушкабытынан хардары ытыалыырбыт. Сороҕор
табан, уматан түһэрэрбит. Кинилэр буулдьаларыттан уолаттар-
быт бааһыран, өлөн туорууллара. Кинилэр ити истребителлэрэ
6-7 километр үрдүккэ үксүн салгыҥҥа биһиги «МИГ-15» диэн
истребителбитин кытта утары кыргыһыыны ыыталлара. Харда-
рыта күүстээх ытыалаһыы түмүгэр самолеттар умайан сууллал-
лара, өлүү-сүтүү икки өттүттэн тахсара. Биһиги истребителлэр-
бититтэн өстөөх истребителлэрэ ыраах сылдьар кэмнэригэр,
бэйэбит ырааҕы тэбэр улахан пушкаларбытынан бокуойа суох
ытыалыырбыт. Ытыалааһын икки чаас устатыгар тиийэ барара.
Оннукка салгын титирэстээһиниттэн уонна күүстээх тыастан
саллааттар мэйиилэрэ төйүөрэн итирбит киһи курдук суулла
сылдьар буолаллара. Итинник ытыалаһыы күн аайы, сороҕор
күҥҥэ хаста эмэ хатыланара. Оттон өстөөх киэһэ хараҥа буол-
лар эрэ уонна түүҥҥү им балайга, ханнык да дохсун ардахтан
да, этиҥнэртэн да олох иҥнибэккэ эрэ дэриэбинэлэри, куо-
раттары, аэродромнары бомбалыыра. Туох барыта умайан кы-
тыастара. Биэс-алта этээстээх таас дьиэлэр бүтүннүү суох буо-
лаллара. Онно олорооччулартан арыт өлүү олус элбэх буолара,
хас эмэ сүүһүнэн киһи буолара. Оттон биһиги өлбүт дьоммутун
сороҕор кыайан хомуйумуна 2-3 хонукка таах сиргэ сытыарар-
быт. Ол икки ардыгар, ол дойду итиитэ бэрт буоларн, киһини
кып-кыймаҥнас гына үп-үрүҥ үөн ыһара. Үөн ыспыт, сытыйбыт
киһи сытыттан ордук куһаҕан сыт баарын билбэтэҕим. Өлбүт
дьоммутун Кореяттан ыраах 2-3 күн тухары айаннаан Кытайга
23