Page 22 - Агабыт туьунан иьирэх тылынан

бииргэ төрөөбүт дьахтар уола. Кини оҕо сааһыттан ыла үлэт-
тэн атыны соччо билбэккэ улааппыт чэгиэн-чэбдик уол этэ.
Орто уҥуохтааҕа, хара бараан дьүһүннээҕэ, бэрт ис киирбэх
бөҕө-таҕа көрүҥнээҕэ. Кыра эрдэҕинэ ох саатын илдьэ сыл-
дьан сыһыы-хонуу устун көҥүл сүүрэкэлиирэ, сыал ыта оон-
ньуура. Аймахтарын кэрийэ сылдьан хонуталыыра. Сайын
мин ийэбэр сотору-сотору кэлэн кымыс иһэн барара. Кэнники
холкуоска чулуу үлэһит аатыра сылдьыбыт. 1943 сыллаахха
армияҕа барбыта. Барарыгар миигин көрсөн баран, биир да
тылы эппэтэҕэ-саҥарбатаҕа, көрүтэлээн эрэ кэбиспитэ. Мин
да тугу да саҥарар, этэр кыаҕым суоҕа. Ол курдук барбыта.
1944 сыллаахха өлбүтэ.
Николай Илларионович Лукачевскай, Дарыбыан Ньуку-
лайа дэнэрэ. Уҥуоҕунан үрдүк, үскэл киһи этэ. Кини холкуос-
ка маһы уонна тимири уһаныыга дэгиттэр маастар этэ. Хара
Мунду Уйбаанныын (Уйбаан Федоров оҕонньордуун) хас да сыл
бииргэ уһаммыттара. Кини мин аҕабар кэлэн куруук иистэнэр
массыынабытын оҥороро. Арааһы кэпсэтэн сэргэхсийэн да,
сэргэхситэн да барара. Кинилэр итинник куруук эйэлээх,
күүрээннээх кэпсэтиилэриттэн биһиги, оҕолор, наһаа үөрэбит.
Ол иһин кини кэллэҕинэ сүргэбит олус көтөҕүллэрэ. Онтон
сылтаан кини уолун эмиэ таптыырбыт. Кини 1941 сыллаахха
маҥнайгы хомуурга армияҕа барбыта уонна бадаҕа 1944 сыл-
лаахха Смоленскайга буомбалааһыҥҥа түбэһэн өлбүтэ.
Ити сэриигэ өлбүт оҕо сааспынааҕы күндү билэр дьонум
уонна аймахтарым эһиэхэ үйэлэр тухры албан аат буоллун!
Эһиги сырдык тыыҥҥыт толугунан билиҥҥи ыччат уонна ай-
махтаргыт, сиэттэргит чахчы үүнэр-сйдар үтүө олоххо тиий-
битин бары көрөбүт. Кинилэр итини бары өйдөөтүннэр, бары
эһигини кэриэстээтиннэр!
Н. ИВАНОВ, сэрии, үлэ ветерана

20