Page 17 - Уруйдуогун улуу кыайыыны

ҮЙЭТИТЭР ытык иэстээхпит

Заровняев
Дионисий Кононович
(12.02.1915-08.07.1984 сс.)

Г.В. Егоров аатынан Мүрү 1 №-дээх орто оскуолатын
2-с кылааһын үөрэнээччитэ Люба Арсентьева.
Салайааччы Елена Иннокентьевна Атласова

Мин хос эһэм (ийэм ийэтин аҕата] Дионисий Кононо-
вич Заровняев Уус Алдан улууһун Суотту нэһилиэгэр Конон
Александрович уонна Акулина Дмитриевна дьиэ кэргэнигэр үһүс оҕонон
күн сирин көрбүтэ. Дьоно эрдэ өлбүттэр, убайдарын кытта аймахтарыгар
иитиллибиттэр. Убайа Захар 1960 сыллаахха өлбүт. Убайа Дьаакып хас сыл-
лаахха өлбүтэ биллибэт.
1930 сыллаахха Суотту начальнай оскуолатын бүтэрэн, Мүрү сэттэ кы-
лаастаах оскуолатыгар үөрэнэ барар. Онно алта кылааһы бүтэрбитин кэн-
нэ, комсомол уурааҕынан, холкуоска үлэлэтэ ыыппыттар. 1932 сыллаахха
Суотту нэһилиэгин «Көрдьүгэннээх» холкуоска биригэдьииринэн, суоччуту-
нананананүлэлиир. 1937 сылгадиэри холкуоска үлэлээн баран, Дьокуускай-
га советскай-партийнай оскуолаҕа үөрэнэ киирэр. 1940 сыллаахха үөрэҕин
бүтэрэн, Өлүөхүмэ улууһун 2-с Нөөрүктээйи нэһилиэгэр бастаан РайОНО ин-
спекторынан, онтон учууталынан үлэлээбитэ. Эдэр киһи эрчимнээхтик үлэ-
лии сырыттаҕына сэриигэ ыныраллар.
Ол курдук, 1942 сыллаахха Өлүөхүмэ военкоматыттан сэриигэ ынырыл-
лан, Ийэ дойдутун көмүскүү барбыта.
Сэриигэ айаннаан иһэн, Заярскай суолугар массыына саахалыгар
түбэһэн үс киһи өлбүтэ, уон алта киһи оһолломмута, ол иһигэр эһэм уҥа
атаҕын тоһутан госпиталга үс ый сыппыта. Эчэйиитэ улахан буолан, дойду-
тугар төттөрү ыыппыттара.