Page 18 - Уруйдуогун улуу кыайыыны

1943-1944 сылларга Дьокуускайдааҕы
педагогическай институт маҥнайгы куу-
руһун ситиһиилээхтик бүтэрбитин кэннэ,
1944 сыллаахха бэс ыйыгар төттөрү ыҥы-
рыллан сэриигэ барар. Томскай куоракка
военнай училищеҕа алта ый үөрэнэн, млад-
шай сержант званиятын ылан фронҥа бар-
быта. Онно 2-с Украинскай фронт 91-с гвар-
дейскай дивизиятын, 115-с артиллерийскай
полкатыгар бастаан отделение команди-
рынан, онтон взвод командирынан, взвод командирын көмөлөһөөччүтүнэн
сулууспалаабыта.
Венгрияҕа Балатон күөлү ылыы иһин кырыктаах кыргыһыыга кытты-
быта. Онтон сулууспалыыр дивизиятын 3-с Украинскай фронҥа биэрбиттэр.
Ити фронт састаабыгар сылдьан, Австрия киинэ Вена куораты босхолоһууга
сылдьыбыта. Австрияҕа да, Венгрияҕа да, фашистартан босхоломмут нэһи-
лиэнньэ сэбиэскэй буойуннары үөрэ-көтө, уруйдаан-айхаллаан көрсүбүт-
тэрин туһунан, Австрияҕа босхолонуу биэчэригэр сылдьыбытын, кэнники
дьонугар кэлэн баран кэпсиир этэ.
Сэрииттэн тонной баран 1949 сыллаахха үөрэҕин салҕаан, Дьокуускай-
дааҕы педагогическай институту бүтэрэр. Онтон пенсияҕа тахсыар диэри
төрөөбүт дойдутугар Уус Алдаҥҥа Курбуһах, Түүлээх, Баатаҕай, Кэптэ-
ни, Саһылыкаан, Суотту начальнай оскуолаларыгар үлэлээбитэ. Үлэлээ-
бит сирдэригэр нэһилиэк иһинээҕи советскай-партийнай, комсомольскай
үлэлэргэ күүһүн харыстаабакка үлэлээбитэ, үгүстүк партия сэкирэтээринэн,
пропагандиһынан, олохтоох сэбиэттэр депутаттарынан талыллан үлэлээ-
битэ. ССКП чилиэнэ этэ.
Кэргэнэ Фекла Захаровна Ушницкаялыын 1948 сыллаахха ыал буолан,
алта оҕолоохтор. Оҕолоро бары үөрэхтэнэн, үлэһит буолан, билигин ыал
ийэлэрэ, аҕалара, эбэлэрэ, эһэлэрэ.
Мин хос эһэм туһунан эбэм кэпсээниттэн билэбин. Хос эһэм Диони­
сий Кононович Суотту нэһилиэгин бочуоттаах олохтооҕо, Аҕа дойду Улуу
сэриитин бэтэрээнэ, учууталлар Учууталлара, педагогическай үлэ бэтэ-
рээнэ. Мин хос эһэбинэн киэн туттабын.
Наҕараадалара:
1. Медаль «За победу над Германией».
2. Медаль «50 лет Вооруженных сил СССР» в 1969 г.
3. «20 лет победы в ВОВ 1941-1945 гг.»
4. «25 лет победы в ВОВ 1941-1945 гг.»
5. «30 лет победы в ВОВ 1941-1945 гг.»
6. «За доблестный труд в ознаменовании 100-летия со дня рождения
В.И. Ленина», 15.04.1970 г.
7. Знак «Ветеран Великой Отечественной войны».

- 76-