Page 59 - Уруйдуогун улуу кыайыыны

ТЫ Ы Л ГА ДА ТЫЙЫС, КЫТААНАХ ЭТЭ

Надежда Семеновна

М.Н. Готовцев аатынан Танда орто оскуолатын
1-кы кылааһын үөрэнээччитэ Айгылаан Булдаков.
Салайааччы Розалия Семеновна Громова
1941-1945 сс. Улуу сэрии сылларыгар тыылгг
хаалбыттарга эмиэ олох олус уустук, ыарахан эт
Сорох дьон кэпсииринэн, онно ким даҕаны сибиэһэй
сэлиэһинэй бурдуктан оҥоһуллубут лэппиэскэни халыҥнык арыылаан
баран мотуйа сыппатаҕа. Арыый атын олох этэ...
Нэһилиэнньэ эдэр-чэгиэн, кыанар өттө бары сэриигэ барбыттара.
Тыылга оҕо-дьахтар, кыаммат-кырдьаҕас, ыарыһах өттө эрэ хаалбыта.
Ону кытта дэҥҥэ «боруонньаланан» диэн биир эмит эр киһи учуутал,
холкуос бэрэссэдээтэлэ баара. Үөһэттэн ыйыы, сорудах «Барыта - фронт
туһугар!» диэн этэ.
Мин хос эбэм Надежда Семеновна Охлопкова 1922 сыл кулун тутар 15
күнүгэр II Байаҕантай нэһилиэгэр төрөөбүтэ. Танда ситэтэ суох оскуола­
тын 1941 сыллаахха бүтэрэн баран, холкуоска үлэтин саҕалаабыта. Сэрии
сылларыгар кыһынын таһаҕас таһыытыгар, сайынын от хомууругар
сылдьыбыта. Пиэрмэ сэбиэдиссэйэ уонна кладовщик этэ. Кэлин пром­
комбината кассирынан, 1955-1974 сылларга Танда учаастагын ба-
лыыһатыгар завхоһунан үлэлээн биэнсийэҕэ тахсыбыта. «1941-1945
сс. Аҕа дойду Улуу сэриитин кэмигэр килбиэннээх үлэтин иһин», «Үлэ
бэтэрээнэ», «Ийэ Албан аата» мэтээллэрдээх.
Хос эһэбинээн сэрии бэтэрээнэ Михаил Николаевич Охлопковтыын
50 сыл бииргэ дьоллоохтук олорбуттара. Кинилэр аҕыс оҕону төрөтөн,
үөрэхтээн үлэһит дьон оҥорбуттара.
Аҕа дойду сэриитин сылларыгар тыа сиригэр олорон тоҥмут-хаппыт,
сурахтыын сүппүт, кыайыыны уһансыбыт дьоммутун ахтан-санаан ааһыы
- биһиги ытык иэспит. Кинилэри санаан, кэриэстээн ааһыахтаахпыт.