Page 13 - Уруйдуогун улуу кыайыыны

УЛУУ КЫАЙЫЫНЫ УҺАНСЫБЫТ ХОС ЭҺЭМ

Гоголев Эһэм мэтээлэ Эһэм атын
Алексей ыҥыыра
Петрович

И.Н. Жирков аатынан Дүпсүн орто оскуолатын
4-с кылааһын үөрэнээччитэ Сандаара Лыткина.
Салайааччы Раиса Петровна Протопопова

И.Д. Стрекаловскай аатынан Дүпсүн орто ос­
куолатын кыраайы үөрэтэр музейыгар мин хос эһэм
Алексей Петрович Гоголев хаартыската ыйанан тура-
рын көрөн киэн тутта, долгуйа көрдүм. Хос эһэм олорон ааспыт олоҕун,
үлэтин-хамнаһын үөрэтэн билэргэ сананан, дьоммуттан ыйыталастым,
нэһилиэкпит историятын кэпсиир «Дүпсүн сирэ» кинигэни көрдүм.
Эһэм Алексей Петрович сэрии сылларыгар Ааллаах Үүҥҥэ таһаҕас
таһыытыгар сылдьыбыт, холкуос биир төһүү үлэһитэ эбит. Кини 1915
сыллаахха Биэттэҕэ ыал бастакы оҕотунан төрөөбүтэ. Ыал бастакы
оҕото буолан улахан дьиэ кэргэн тирэҕэ, эрэлэ этэ. Өҥүрүк куйааска от
оттооһун, тыйыс тымныыга кыстык маһын тиэйии барыта кини үлэтэ.
1935 сыллаахха суорумньунан ыал буолбут, барыта 10 оҕону төрөтөллөр,
онтон алта оҕото олох ыараханыттан, кыра эрдэхтэринэ өлбүттэр.
Эбэлээх эһэм бэйэлэрэ аһыыр-аһаабат сылдьан оҕолорун корон-ха-
райан дьон оҥортообуттар. Эһэм сэрии кэнниттэн сылгыһытынан, онтон
кэлин бостуугунан үлэлээбит.
Эһэбит куска, балыкка байанайдаах булчут, бултаан сайылык ыалын
барытын аһатара эбитэ үһү. Туола сайылыкка ыаллара сайынын остуол
сирэйин таһааран тэлгэтэн кэтэһэллэрэ, бырааһынньык курдук буолара
эбитэ үһү. Үөлүллүбүт мунду собо, хас биирдии киһиэхэ биирдии кус
тиксэрэ. Сут сылларыгар дьоҥҥо көмөлөспүтүн дьон хойукка диэри
махтана ахталлара.

- 77-