Page 11 - Василий Сивцев. Производство хамандыырдара

хаачыстыбата үрдүгэ үлэһиттэр санааларын бөҕөргөтөр. Улуустааҕы
семенной инспекция аналиһа көрдөрөрүнэн кэлии сиэмэ тахсыыта —
96 бырыһыаҥҥа тэсҥэспит. Механизатордар суол-иис мөлтөҕүн аах-
сыбакка куурбут бааһыналарыгар төһүүлээн, араас албастары туттан,
үөннээн сыҕарыйан ыһыыларын саҕалаатылар. Сир уустара күн-дьыл
туран биэрдэр эрэ ыһыыны ыыталларыгар үлэҕэ көхтөрө, дьулуурдара,
билиилэрэ-көрүүлэрэ толору эппиэттииригэр саарбахтааһын суо:.
Быйаҥ ууһа

Күүтүүлээх сайыммыт барахсан кэлбитэ, эчи үчүгэйин баҕаһын. Тыа
сиригэр ханна да тиий, үлэ күөстүү оргуйар саамай үчүгэй, табыгастаах
кэмэ. Оттон бааһыналарга ыһыы үлэтэ үгэннээн бара турар. Биһиги
«Сыырдаах» тэрээһиннээх хаһаайыстыбатын бааһыналарыгар айан-
наан иһэбит. Аргыстарым тыа хаһаайыстыбатын управлениетын на-
чальнигын солбуйааччы С.Н. Васильев, кылаабынай агроном П.А. Бе-
лолюбскай, тэрээһиннээх хаһаайыстыба салайааччыта М.Н. Копырин.
Бу хаһаайыстыбаны сыырдаахтар бэйэлэрин уоллара прораб идэлээх
М.Н. Копырин салайбыта хаһыс да сылыгар барда. Сирин-уотун билэр
киһи быһыытынан күһүҥҥү көтөҕөнөн бүрүллүбүт тыа суолунан быһа
түһэн бурдугу үүннэрээчилэр киин базаларыгар Хомустаахха киирэбит.
Таал курдукуһун субурҕа бааһынаҕа икки МТЗ уонна Т-150 мааркалаах
трактордар буору бурҕата, хара буруонан уһууран үлэлии сылдьаллара
ыраахтан көһүннэ. Бааһынаҕа сорох сирдэринэн кыра да массыына
сылдьыбат бадарааннара баалларын тумнабыт. Бадарааннаах инчэҕэй
сирдэри техникалар тумнубуттарыттан сылыктаатахха, элбэх ыһыы
сирэ таах хаалар балаһыанньата үөскээбит.
— Быйыл ханан даҕаны угут дьыл буолан, бааһына кууруута мөлтөх,
онон ыһыы иэнэ туолбат кутталлаах. Сүрүн базабытыгар, дьэ, бу кэл-
либит. Ыһыыбыт бааһыналара бука бары бу эргин сыталлар, — дии-дии
Михаил Николаевич бэрттупсаҕай тутуулардаах, күрүөлээх-хаһаалаах,
сарайдаах, булуустаах дьиэҕэ аҕалар. Бу ыһыыга олус табыгастаах сири
Сэмэн сөпкө таба тайанан база оҥостубут. Тутууларын үбүн-харчытын
бэйэтэ тутуорсан, булан кылгас кэмҥэ туттарбыт. Манна эбэн эттэххэ,
Сыырдаахха сиэмэни уурар-харайар, куурдар сарайы, ыһыы техниката
харайыллар миэстэтин саҥа маһынан олбуордаабыт. Саҥа ирдэбилгэ
эппиэттиир улахан ыскылаат-сарай бурдук үүнүүтүн кэҥэтии төрүтэ
буоларын Сэмэн үчүгэйдик өйдөөн базатын кэҥэтэ, оҥоро сатыыр.
Базата, ыскылаата суох хайдах да сатаммаккын. Хомойуох иһин,
хаһаайыстыба урукку ыскылаата билиҥҥи кэм ирдэбиллэригэр ха­
нан да эппиэттээбэт этэ. Сир ууһа ыскылаата суох буолуу кыһалҕатын
билбит аҕай дьыалата. Бэрт эрэйинэн үүннэриллибит, астаммыт көмүс
туораах табыгастаах хараллар миэстэтэ суох буолан, баппакка даҕаны
9