Page 43 - Василий Сивцев. Производство хамандыырдара

үлэһити — Василий Пермякову дойду тэбэр сүрэҕэр Москва куоракка
Бүтүн Союзтааҕы Норуот Хаһаайыстыбатын Быыстапкатыгар сыры-
тыннарар. Онно боруонса мэтээлинэн наҕараадаланар.
Үүнэн иһэр эдэр киһини «Энгельс» колхоз салалтата 1958-60 сыл-
ларга саҥа бөдөҥсүйбүт хаһаайыстыбаҕа сибиинньэ иитэр ферма сэ-
биэдиссэйинэн аныыр. Бу кэмнэргэ Василий тапталлааҕын, олоҕун
аналын колхоз биир тутаах үлэһитин — ньирэй көрөөччүнү Анна Та-
таринованы көрсөр. Анна олоҕун дьылҕата холооннооҕор майгын-
наһара. Эмиэ үөрэнэр усулуобуйата суоҕунан орто оскуоланы бү-
тэрбэккэ, уон биэс сааһыттан колхоз үлэтигэр эриллэн барбыта. Ити
саҕана биир бириэмэҕэ биирдэрэ «Бастыҥ сылгыһыт», биирдэстэрэ
«Оройуон бастыҥ ньирэй көрөөччүтэ» үрдүк ааттары ылбыттара олус
элбэҕи этэрэ. Эдэрдэр уоттаах таптал абылаҥар ылларан, биир санаа-
нан бигэтик ыал буоларга быһаарыммыттара. Ол саҕана колхоз пред-
седателинэн Георгий Гаврильевич Алексеев, комсомол секретары-
нан Павел Павлович Павлов бэрт таһаарыылаахтык үлэлээбиттэрэ
биллэр. Колхоз бастыҥ ыччаттара ыал буолар дьоллоох түгэннэрин
салалта үөрэ көрсүбүтэ уонна комсомольскай сыбаайбаны аан баста-
кынан бүттүүн күүһүнэн тэрийэн ыыппыттарын күн бүгүнүгэр диэри
үтүө өйдөбүлүнэн саныыр, уос номоҕо оҥостор дьон билигин да баал-
лар. Василий Николаевич былыргылыы тупсаҕайдык киэргэтиллибит
хоһуопка сыарҕаҕа Ааныһынаан олорон Хоноҕортон Суоттуга сыба-
айбалыы кэлбиттэрин бэҕэһээҥҥи курдук үчүгэйдик өйдүүр. Онно
ыҥырыллыбыт, сүргэлэрэ көтөҕүллүбүт дьон сүрдээхтик үөрэн-көтөн,
эдэрдиин-эмэнниин бары кэлэн алгыс үтүө тылларын эдэрдэргэ анаа-
быттара. Василий Николаевич билигин кэлэн санаатаҕына, үлэни өрө
туппут эдэркээн сүрэхтэр, сүбэлэрин, күүстэрин холбоон инникитин
үлэҕэ, олоххо дьоҥҥо-сэргэҕэ холобур буоллун диэн тэрийбиттэр
быһыылаах диэн сыанабылга кэлэрэ оруннаах... Ол саҕана Пермяков-
тар үөлээннээхтэригэр улахан убаастабылынан туһаналлара, суолдьут
сулус курдук көстөллөрө. Кинилэр сылаас алгыстарынан 50 сыл ыал бу-
олан, 4 оҕону, 7 сиэни, 2 хос сиэни төрөтөн, улаатыннаран, үөрэттэрэн
этэҥҥэ үлэһит оҥортоотулар. Ыал оҕотуттан итэҕэс санамматтарын
туһугар кыахтарын, өйдөрүн-санааларын олоччу ууран ииппиттэрэ.
Онно сүрүн тирэҕинэн ийэлэрэ — Анна Максимовна буолбута. Кини
Саһылыкааҥҥа оҕо саадыгар пенсияҕа тахсыар диэри повардаабыта,
онтон Хоноҕор кулуубугар технической үлэһитинэн үлэлээн бар дьо-
нугар сирдэрбэтэҕэ. Оччотооҕу кэмҥэ тыа сирэ ыччат романтикаты-
нан буолбута. Оскуоланы бүтэрбит оҕолор ыҥырыы таһааран бүтүн
кылааһынан сиэттиспитинэн төрөөбүт совхозтарын производствотын
өрө көтөҕөөрү тахсаллара. Анна Максимовна, Василий Николаевич
оҕолоро бары «Оскуола—производство—үрдүк үөрэх» диэн девиһинэн
салайтаран совхозка сүөһү иитиитигэр баҕа өттүнэн үлэлээбиттэрэ.

41