Page 46 - Василий Сивцев. Производство хамандыырдара

харчыны сыа-сым курдук хаһаайынныы дьаһанан, кыра хамнастаах ра-
бочайдары көҕүлээн үлэҕэ аттаран туруоруу, суохтан баары оҥоруу кур­
дук тэрээһин үлэлэри күн ахсын бэрийиини бу дуоһунаска үлэлээбит
дьон ордук үчүгэйдик билэллэр. Совхоз Хоноҕордооҕу биригээдэтин
уопуттаах биригэдьиирэ үлэҕэ-хамнаска эриллибит үөрүйэхтэринэн
биригээдэтигэр ыытыллар бары дьаһаллары, араас мероприятиелары,
бырааһынныктары, субуотунньуктары, сынньалаҥнары — балыктаа-
һыны, куобах күрэҕин үлэни кытары дьүөрэлээн ыытара, үлэһиттэрин
санаатын табара, күүстээх үлэҕэ көҕүлүүрэ. Биир өрөбүлэ суох илии
ыарахан үлэтигэр сылдьар тыа киһитигэр кыра да болҕомто ууруллара
олоххо-дьаһахха, үлэҕэ-хамнаска элбэҕи быһаарара. Киһи күннээх, ба­
лык ыамнаах диэбиккэ дылы, киһиэхэ үтүө санаа, быһыы-майгы өрүү
аргыстаһар буолбатах, соһуччу сурах, быһылаан күүппэтэх өттүгүттэн
тахсар үгэстээх. Маннык ыарахан кэмнэргэр илиитин уунар, көмөлөһөр
киһинэн Василий Николаевич буолара. Хоноҕор бөһүөлэгэр оччоттон
баччаҕа диэри олохтоох былаас уоргана суох. Дьоҕус дэриэбинэ бары
үөрүүтэ, кыһалҕата бука барыта Василий Николаевич кыттыыта суох
барбат этэ. Кыра да бөһүөлэк буоллар үлэ, үөрүү, таптал, дьол, курус,
хомолто барыта баара. Бу сирдээҕи олох күөстүү оргуйар дьикти-кэрэ
түгэннэрэ тугунан да кэмнэммэт, сыаналаммат күндү бэлэҕэ буолар...
Олох диэн итинэн киһини умсугутар, бэйэтигэр тардар, абылаҥнаах
сүдү күүстээх буоллаҕа.
Киһи олоҕор хаһан даҕаны умнубаттык киирэн иҥэр, үөрэр түбэлтэ
баар буоллаҕына, ол Василий Николаевич олоҕор 1988 сыл күһүнүгэр
Саха АССР норуотун хаһаайыстыбатын үтүөлээх үлэһитэ үрдүк ааты
иҥэриини ааттыахха сөп. Биригэдьиир манныкулахан сыанабылы чах-
чы даҕаны өр сыллаах дьаныардаах үлэтинэн, дьоҥҥо-сэргэҕэ киһилии
сылаас сыһыанынан, дьиэ кэргэттэригэр аҕалыы эйэҕэс майгытынан
ситиспитэ буолар.

Үтуөттэн мөкуну эрэ араарааччыны буолбакка,
икки мөкуттэн биир ордугун талан ылааччыны
өйдөөх киһинэн ааттыыллар.

үмсүүлээх дьиэ кэргэн
Туох үтүө, кэрэ барыта дьиэ кэргэнтэн саҕаланар. Оҕо-уруу
этэҥҥэ сылдьара — үөрүүлээх, мөлтөх буоллаҕына — хомолтолоох.
Дьиэ кэргэҥҥэ олохторо санаабыт курдук, айдаана-куйдаана суох
уу-чуумпутук өрүс уутунуу оргууйдук уһуннаҕына, бу ыал сөптөөхтүк
дьаһанан олороллор диэн өйдөбүлгэ кэлэҕин. Билиҥҥи уустук кэмҥэ
эдэр, олоҕу саҥа олорон эрэр ыал дьоҥҥо үтүө холобур буолар. Киһи

44