Page 44 - Василий Сивцев. Производство хамандыырдара

Анна, Василий Пермяковтар улахан дьиэ кэргэннэрэ.
Кыргыттар бука бары иккилии сыл ыанньыксыттаабыттара. Ийэлэрэ
айылҕаттан бэриллибит иистэнэр талааннааҕа. Иллэҥ кэмигэр иистэ-
нии курдук сөбүлүүр идэтигэр кыргыттарын үөрэтэн барбыта. Араас
уус-уран көрүүлэргэ, концертарга кулууп артыыстарын таҥастарын-
саптарын бэрт тупсаҕай быһыылаан-таһаалаан босхо тигэн биэрэрэ.
Оттон аҕалара, тыа хаһаайыстыбатын специалиһа, салайар үлэһит
быһыытынан оҕолор общественнай-политическай олоххо таба суолу
тутуһан араас идэлээх дьон буолан үлэлииллэрин-хамсыылларын тэ-
рийсибитэ.
Анна уонна Василий Пермяковтар түөрт кыыстара, икки сиэннэрэ
билигин улаатан үөрэхтэнэн, төрөппүттэрин туйахтарын хатаран үлэһит
бэртэрэ дьон буоллулар. Ыал улахан кыыһа Лидия - Хоноҕордооҕу
«Түһүлгэ» олохтоох культура дьиэтин директора, Матрена — Дьокуу-
скай куорат иккис нүөмэрдээх балыыһатыгар кадр отделын салайаач-
чыта, СР доруобуйаҕа харыстабылын туйгуна, Ирина — юрист идэлээх,
Комдрагмет кадрга салаатын начальнига, Анна — ДьГИТИ инфор-
мационнай технология факультетын деканын солбуйааччы. Ааны-
стаах, Баһылай ханна да сырытталлар, тугу да үлэлээтэллэр төрөппүт
быһыытынан оҕолорун инники дьылҕаларыгар ураты болҕомтолоохтук
сыһыаннаһаллара. Ол түмүгүн көрдөрдө. Оҕолорун үөрэттэрэн, киһи-
хара оҥортоон, олох киэҥ суолугар бигэтик үктэннэртээн, төрөппүт
аналын чиэстээхтик толорбуттара тугунан да кэмнэммэт сыаналаах.
Бу орто бараан дойдуга төрөппүт олох олорбут, үлэлээбит үлэтин оҕото
салгыыр.
Үлэттэн дьолломмут иллээх дьиэ кэргэн комсомольскай сыбаайба-
ны тэрийбит колхоз председателигэр Г.Г. Алексеевка, комсомол райко-
42