Page 20 - Өнөрдөр Аҕа дойду сэриитигэр. I чааһа

тин туһугар дьону-сэргэни уһугуннарар сөп этэ. Улуус үрдүнэн
ити сылларга өлбүт дьон ахсаанын барыллаан да буоллар түмэн
көрүөххэ. Бука, сэриигэ өлбүттээҕэр элбэх киһи тахсара буолуо.
Кинилэр ааттарыгар туох эмит бэлиэни да оҥоруохха баара. Ки-
нилэр күн сириттэн букатын барыахтарын баҕарбатахтара биллэр.
Ыар кэм ытарча илиитинэн ылан бардаҕа. Ытаан-соҥоон да ха-
йыаххыный, ытаабытын' ынчык буолан иһиллиэ.
Н.А ЧЕРНОГРАДСКА Й,
// ./ / ЛИТВИНЦЕВ.

МИХАИЛ МИХАЙЛОВИЧ
СТРЕКАЛОВСКАЙ

Олоҕум туһунан кылгастык

Ааспыт Аҕа дойду сэриитигэр кыт-
тыым туһунан кэпсиирбэр көрдөһөн
элбэх сиртэн суруктары тутар буоллум.
Онон сибээстээн, одоҥ-додоҥ да буол-
лар, олорон ааспыт олоҕум туһунан туох
баарынан кэпсииргэ сананным.
Мин 1914 сыллаахха олунньу 4
күнүгэр Уус Алдан оройуонугар, уруккута I Өспөх нэһилиэгэр
төрөөбүтүм. Уоннаахпар Дүпсүн сэтгэ кылаастаах оскуолатыгар
үөрэнэ киирбитим. Үөрэнэ сылдьан комсомолга киирбитим. Ити
1935 сыллаахха этэ.
Үөрэхпин бүтэрдэҕим сыл күһүнүгэр Баатаҕайга «Биэтгэ» кол-
хозка үөрэҕэ суох дьону икки ый устата ааҕарга-суруйарга, ахсааҥҥа
үөрэппитим. Ол сырыттахпына, комсомол оройуоннааҕы комите-
тын рекомендациятынан, оччолорго саҥа тэриллэн эрэр МТС-ка
техсекретарынан уонна комсомольскай тэрилтэ секретарынан анаа-
быттара, итини сэргэ райЗАГС инспекторынан үлэлээбитим. Бу
үлэбэр 1942 сыл олунньу 25 күнүгэр диэри сылдьыбытым. Дьэ, ити
күн Советскай Армия кэккэтигэр сулууспаҕа ыҥырыллыбытым.
Армияҕа 1945 сыл алтынньыгар диэри сулууспалаабытым.
Немец халабырдьытгарын кытары суостаах-суодаллаах, ыар-
ынырык сэриигэ уун-утары көрсөн элбэх мүччүргэннээх, өлүүлээх-
сүтүүлээх түгэннэргэ киирэн тахсыбытым. Манна өрүү советскай
дойду араас омуктарын кытта эн-мин диэн дэһэн, уопсай тылы
16