Page 23 - Өнөрдөр Аҕа дойду сэриитигэр. I чааһа

күтүрдэриҥ кыайан ыппакка хаалбыттара. Ол курдук, танкалар
быыстарынан, ол-бу куоһахха түһэн биэрэ-биэрэ, туораан турар-
даахпын. Оттон бэйэм танканы утарар тугум да суоҕа. Баара-суоҕа
бинтиэпкэлээх этим.
Ити танка төгүрүктээбит күнүгэр биһиги ротаттан 30 эрэ
киһи тыыннаах хаалбыта. Дириҥ аппаны уонна чочумаас сыыры
булан, дьиҥэ, тыыннаах ордубуппут. Онно икки суукка хаайтаран
олорбуппут кэннэ атын чааспыт утары атаакалаан биһигини су-
раҕа суох сүтэр түгэнтэн быыһаабыттара.
Иккис бойобуой суолум. Ол маннык этэ. I Белорусскай
фроҥҥа 69 стрелковай дивизия 12 №-дээх стрелковай полкатыгар
бастаан рядовой саллаатынан, онтон младшай сержанынан ин-
ники кирбиигэ уһуннук сылдьыбытым. Ити 1944 сыл муус устар
20 күнүттэн бэс ыйын 22 күнүгэр диэри Белоруссия Полевскай
уобалаһыгар этэ. Төһө да оборонаҕа турдарбыт, күн-түүн ахсын
дьиҥнээх сэрии буолара. Өстөөх биһиги хаһан аһыырбытын, сын-
ньанарбытын кэтээн олорор курдук, ол кэмҥэ артиллериянан ып-
пытынан барара. Онон сүгүн утуйбакка, бэрт уһуннук эрэйдэм-
миппит. Биһиги 300-400 метр тэйиччи этибит. Икки ардыбытыгар
уулаах-бадарааннаах эрэ этэ. Уонна атын мэһэй суоҕа.
Бэс ыйын 21 күнүгэр өстөөх оборонатын тоҕо көтөр сорудах
ылбыппыт. Сарсыныгар сарсыарда 6-7 чааска атаакаҕа турардыы
былааннанан, бойобуой охранаҕа киирэн хоммуппут. Биһиги 8
киһи өстөөх оборонатыгар урут тиийэн флажок анньыахтаахпыт.
Маҥнайгы рота, маҥнайгы взвод, маҥнайгы отделение буолан
итинник ыарахан сорудаҕы толорууга бирикээс ылбыппыт. Биир
киһи хаалыар диэри бирикээһи толорор туһугар охсуһуохтаахпыт.
Сарсыарда 1500 орудие атааканы биллэрэн үлэлиирин кытта, ах-
сыан иннибит диэки ыстанан кэбистибит. Ол эрээри өстөөх ара-
ас калибрдаах пулеметунан ыраахтан ытар артиллериятынан сонно
тута утары уоту аспыта. Биһиги 8 киһитгэн аара хаалааччы элбээ-
битэ. Мин Сердюктуун (отделение командира) иккиэйэҕин эрэ
тиийбиппит. Флажоктарбьҥын наадалаах сиргэ анньыталаабыппыт.
Сорудах ыларбытыгар: «Ким сорудаҕы толорбут Кыһыл Знамя ор-
деҥҥа түһэриллиэ» диэбиттэрэ. Биһиги ол операцияҕа мэтээлгэ да
түбэспэккэ хаалбыппыт. Сэриигэ хор оннук эмиэ буолар. Биһиги
ол сырыыбытыгар өссө биир немец офицерын тутан аҕалбыппыт.
Биһиги чааспыт оборонаны тоҕо көтөн нөҥүө ааһарыгар
өстөөх үс бөҕөргөтүүлээх кирбиитин ылбыппыт, Бэс ыйын 23-
24-25 күннэрин-түүннэрин тухары тохтоло суох кимэн киирии
19