Page 24 - Өнөрдөр Аҕа дойду сэриитигэр. I чааһа

буолбута. Бэс ыйын 25 күнүгэр биир куораты штурмалаабыппыт.
Ол олус күчүмэҕэй этэ. Биһиги 30 буолан станцияны ылыы-
га кыттыбыппыт. Бу Белоруссия саамай узловой станцията эбит
этэ. Өстөөх сүрүн ыскылаата бу туһаайыыга манна түмүллүбүт.
Ол курдук, 5 армия аһыыр аһа, таҥнар таҥаһа дьапталлан турар
ыскылааттарын лөкөччү былдьаан ылбыппыт. 30 киһиэхэ диэ-
тэххэ, киэҥэ-куоҥа, улахана сүрэ бэрдэ. Хаһан эрэ хардары охсон
ылаллар диэн ол айманыыта түүнү быһа ааһан-араҕан биэрбэтэҕэ.
Сарсыныгар табаарыс Сталин бирикээһэ кэллэ диэн буолбуга.
69-с стрелковай дивизия 120-с стрелковай полкатын саллааттарын,
офицердарын уордьанынан, мэтээлинэн наҕараадалыырга, өстөөх
таҥаһын-сабын, баай саппааһын уурар станциятын ылбыппыт иһин.
Итиниэхэ миэхэ Сталин илии баггааһыннах Махтал сурук баар.
Бу түгэн Аҕа дойду Улуу сэриитин историятыгар киирбит буо-
лан элбэхтик суруллубута. Дивизия бу операцияҕа өстөөх 5000 офи-
цердарын уонна саллааттарын билиэн ылан турар. Кинилэри биир
дэриэбинэттэн үүртэлээн таһаарбыппытын бэркэ диэн өйдүүбүн.
Үһүс бойобуой суолум. Биирдэ балаҕан ыйын 3 күнүгэр гос-
питальтан тахсан, бэйэм чааспар тиийээппин кытта этэ тоһуйдулар:
«Өстөөҕү штурмалаары аҕай олоробут. Онно Нарев өрүс кытыыты-
гар өстөөх 60 №-дээх дивизиятын штаба, офицера уонна саллаата
балаакканан түһэ сытара. Олору суох гынан баран, өрүһү туораан,
унуор баар дэриэбинэни ылыахтаахпыт. Бу дэриэбинэ Варшаваны
ылыыга саамай кылаабынай тирэх пуун». Армия командующайа
итинник бирикээстээбит. Биһиги иннибитигэр өстөөх инники кир-
биитин маннайгынан алдьатыы соруга турбута. Халлаан сырдыан
иннинэ 5 танкаҕа 30 буолан үллэстэн олордубут. Дьэ уонна инни-
бит диэки харса суох ыстаннарыы буолла. Өстөөх өмүттэн хаалан,
дуоннаах утарсыыны оҥорбото. Халлаан сырдыыта шосссҕа ойут-
таран таҕыстыбыт. Дьэ, манна немец массыыната бөҕө айаннаан
иһэр эбит. Биһиги олору аҥаар кырыытыттан үлтү солоон ааһан
истибит. Сотору соҕус киэҥ толооҥҥо киирдибит. Ол уҥуор ара-
ас дьүһүннээх балаакка бөҕө тардыллыбытын көрдүбүт. Танкалар
харса суох ытыалыы-ытыалыы өрө сүүрдэн киирдилэр.
Тиийбиппит, немец бөҕө өрө адаарыһа сылдьар эбит. Уолуйан
хаалан наар куотар эрэ айдааныгар сылдьаллар. Мин көрдөхпүнэ,
синньигэс баҕайы үрэҕи (Нарев өрүс) туоруур муостаҕа дьулуһал-
лар. Биһиги немецтэрбитин кытта ахсыа буолан былааһан хаал-
лыбыт. Биһиги муостаны ылар санаалаахпыт. Кинилэр уҥуор
туоруур дьүккүөрдээхтэр. Ол мучумааҥҥа биһиги урут тиийди-
20