Page 25 - Өнөрдөр Аҕа дойду сэриитигэр. I чааһа

бит. Дьэ уонна эргиллэ биэрэн, өйдөрүттэн тахсыбыт немецтэргэ
утары уоту астыбыт. Киһи кэмэ суох суулларын мин онно көр-
бүтүм. 30 мүнүүтэ ныһыйсыы кэнниттэн өстөөх 5 бомбардиров-
щига биһигини туһулаабытынан кэлбэттэр дуо? Нэһиилэ туора
куотан тыыннаах ортубут. Субу аҕай баар муостабытыттан туох да
хаалбата. Ити кэмҥэ биһиги ротабыт ситэн кэлэн унуор туораа-
быта. Ол этэ кыргыһыы киэнэ кытаанаҕа. Гранатанан сабыта бы-
рахсыы, автоматынан тирэһэн туран ытыһыы. Биһиги, 27 киһи,
хаалан баран, икки ардыбыт 70 метрэ этэ, өстөөх оборонатын ута-
ры турбутунан киирбиппит. Таспар ким да суоҕа, иннибэр 50-тан
тахса киһи (өстөөх) көстөр. Ону туһаайа-туһаайа харса суох авто-
матынан тибиирдибитим. Төһө киһи өлөрүн ааҕыахтааҕар көрөр
да бокуой суоҕа.
Миэхэ көмө икки уолу ыыппыттара. Дьэ, онно киһитэйэн
көрбүтүм: өстөөхтөртөн аҕыйахтара ордубут этэ. Көмөҕө кэлбит
уолаттарым иккиэн 1927 сыллаах төрүөх эдэркээн оҕолор этэ.
Мин уолаттарбар этэбин: «Эмискэ саба түһүөхтэрэ». Онон ха-
раххытын кинилэртэн араарымаҥ». Инньэ диэн бүтээппин кытта,
уон хаамыылаах сиртэн граната кыырайан иһэрэ көһүннэ. Ону
хабан ылан төтгөрү бэйэлэригэр бырахтым. Икки төгүл оннук ха-
тыланна, үсүһүн ыстыыктаах киһи утары сүүрэн кэллэ. Ону мин
уолаттар бинтиэпкэлэрин ылан утары ыстыыгынан көрүстүм. Он-
нук чугастык сэриилэспиппит. Ити барыта наҕараадалыыр лиис-
кэ сурулла сылдьар. Өстөөх киһи эрэ буоллар, төрдүс төгүлүн
кэлбэтэҕэ. Биһиги биир гранатаҕа араанньы буолан хаалбыппыт.
Хата, хараҥаран өстөөх ону көрбөккө хаалбыта. Уоту харса суох
ыыта сыппыппыт. Лаппа хараҥарбытын кэнниттэн чааспытыгар
төннөн тахсан, медсанбакка курдары ааспыппыт.
Сэриигэ сылдьыбыт сирдэрим манныктар:
1) Орел куорат (Курскай тоҕой);
2) Барановичи (Белоруссия);
3) Осиповичи (Белоруссия).
Өрүстэри туорааһын:
1) Шара өрүс;
2) Буг өрүс;
3) Нараев өрүс.
Барыта 90 сууккаҕа кимэн киириигэ сылдьыбытым. 18 утары
атаакаҕа сылдьыбытым. Сэрии устата 5 төгүл араанньы буолбутум.
Биир түбэлтэҕэ разведкаҕа сылдьан икки немеһи тыыннаахтыы
тутууга сылдьыбытым. Белоруссияҕа Сердюктуун биир офицеры
21