Page 41 - Өнөрдөр Аҕа дойду сэриитигэр. I чааһа

киирсэн, толорсон, ситэрэн иһэрэ. Кини «ясно, понятно» диэн
тыллары олус сөбүлээн туттара, толоруута да оннук чуолкай буо-
лара.
Виктор Федорович Афанасьевы, Афанасий Иванович Федо-
ровы, Николай Михайлович Сергееви кытта ыкса табаарыстаһа-
ра. Виктор Федорович көҕүлээһининэн, «Улухан алаас» диэн
сиргэ Петр Филиппович Федоров кэриэһигэр анаан өйдөбүнньүк
бэлиэ туруорбуттара. Бу бастакы төлөннөөх комсомолец кылаас
өстөөхтөрүн илиититтэн сүгэнэн кэрдиллэн өлбүтэ Комсомол КК
тиийэ биллэн, кэриэстэбил кинигэҕэ киирбитэ. Билигин баар
ыччат союһа ити туһунан түүлүгэр да баттатан көрбөт. Олохпут
историятын түргэнник умнабыт.
Саха киһитэ булду эккирэтэр. Кини ийэ иһиттэн бэриллибит
талаана онно баар. Михаил Михайлович аҕата Бычыкаа Мэхээлэ -
Чымыраайы үрэх олохтооҕо. Үйэлээх сааһыгар төһөлөөх булду бул-
таабытын ким билиэй? Арай Баай Байанай билэн олордоҕо. Аҕатын
батыһан үөскээбит Мэхээлэ эмиэ булчут этэ. Эдэригэр эмиэ кыылы
бултаспыт арй киһи. Пенсияҕа тахсан баран уонча сыл түүлээх-
тээбитэ. Экчи биир тыллаах кырдьаҕас былаанын толорбокко эрэ
уоскуйбат этэ. Кини олоҕун майгына даҕаны барыта оннук.
Мин ахтыыбын бүтэрээри олорон бу курдук түмүктүөхпүн
сөп. Өнөр нэһилиэгэ былыр-былыргыттан аатырар, сэһэҥҥэ-кэп-
сээҥҥэ киирэр дьоннордоох нэһилиэк. Кинилэргэ ат бөҕө, кус
быһый дьоннору таһынан, мындыр өйдөөх, үөрэхтээх, үлэһит,
сэрииһит дьон бааллара. Үөһэ ахтыбыппыт курдук, төлөннөөх
комсомолец Петр Филиппович Федоров, «Сааскы кэм» ромаҥҥа
Булочкин прототиба буолан киирбит Степан Васильевич Ку-
личкин, колхозтаах ударниктар бастакы съезтэрин кыттыылааҕа
Семен Степанович Захаров, саха үлэһит дьахталларыттан биир
бастакынан «Бочуот Знага» ордены ылбыт Харитина Петровна
Атласова, Российскай Федерация Верховнай Советын депутата
Екатерина Петровна Гуляева, аны бу сахалартан Россияҕа бастакы
Герой Михаил Михайлович Стрекаловскай ааттара биһиги нэһи-
лиэкпит историятыгар көмүс буукубанан суруллаллар. Кинилэр
ааттарын-суолларын үрдүктүк тутан бүгүҥҥү ыччат олоххо ытык
иэһин толоруохтаах. Биһиги күүтэр, эрэнэр ыччаттарбыт элбэх-
тэр. Сүүһүнэн ааҕыллар үрдүк үөрэхтээх кадрдар, уонтан тахса
наука кандидаттара, уончаҕа чугаһыыр спорт маастардара уонна
маастарга кандидаттар бааллар. Биир кыра нэһилиэккэ үчүгэй
буолбат дуо? Улуус, республика таһымыгар үлэлиир дьоннордоох-
37