Page 45 - Өнөрдөр Аҕа дойду сэриитигэр. I чааһа

НИКОЛАИ МИХАИЛОВИЧ
СЕРГЕЕВ

Бастакылар, бастыҥнар
кэккэлэригэр
Улуу Кыайыыны илиитигэр саа-саа-
|дах тутан аҕалсыбыттартан биирдэстэрин,
улуус уонна Өнөр нэһилиэгин бочуоттаах
гражданинын, норуот хаһаайыстыбатын
үтүөлээх үлэһитин, «ССКП кэккэтигэр
150 сыл» знактаах кырдьаҕас коммуниһы
Николай Михайлович Сергеевы—Ньукулааны быйыл сүтэрдибит.
Николай Михайлович олорон ааспыт олоҕо, сылдьыбыт сы-
рыыта бүүс-бүтүннүүтэ кини киһи киэнэ кэрэтэ, кэрэмэһэ эби-
тин кэпсииллэр, кэрэһэлииллэр. Кини 1918 сыллаахха 11 -с Лөгөй
нэһилиэгэр Кунаайы алааска Татьяна Алексеевна Атласова уонна
Михаил Петрович Сергеевтэр диэн ыалга бэһис оҕонон төрөөбүтэ.
Захар Михайлович Бабицкай сэбиэдиссэйдээх, Бээрийэ аҕабытын
уола Михаил Пантелеймонович Никифоров учууталлаах Томтор
начальнай оскуолатыгар 1931-1932 сс. үөрэх дьылыгар маҥнай-
гы кылааска үөрэнэ киирбитэ. Төрдүс кылааһы Хаптаҥа началь-
най оскуолатыгар, алтыһы оройуон киинигэр Оҕуруокка үөрэнэн
бүтэрбитэ. 1937 сыллаахха төрөппүтгэрэ Өнөргө - ийэтэ төрөөбүт
сиригэр үөһэ үрэххэ баар колхозка чилиэнинэн киирэн, көһөн
кэлбитгэрэ. Оччотооҕу кэминэн додо курдук үөрэхтэммит эдэр-
кээн уол нэһилиэк кырыы үрэхтэригэр олохтоох үөрэҕэ суох ула-
хан дьону ааҕарга-суруйарга үөрэтэн барбыта.
Николай Сергеев 1938 сыллаахха комсомолга киирэр, нэһи-
лиэк общественнай олоҕор кыттыыта өссө көхтөнөр. Кинитэ суох
биир да мунньах барбат, биир да хампаанньа ыытыллыбат. Ити
сыл Өнөргө үс кыра колхоз холбоһон, Чкалов аатынан колхоз
тэриллэр. Манна кыладыапсыгынан үлэлии сылдьан, 1941 сыл-
лаахха атырдьах ыйын 10 күнүгэр оройуонтан бастакы ыҥырыыга
түбэһэн сэриигэ барбыта. Бу ыҥырыыга Өнөртөн барыта 28 киһи
сэриигэ аттаммыта.
«Бары нэһилиэктэртэн ыҥырыллыбыттары Суоттуга мунньан,
хас да сүүс киһини «Кыһыл» борохуотунан Даркылаахха тиэр-
тилэр, — диэн ахтан кэпсээбитэ Николай Михайлович. — Даркы-
лаахха «Молотов» борохуотунан үс баржаҕа симиллэн, тыһыын-
41