Page 47 - Өнөрдөр Аҕа дойду сэриитигэр. I чааһа

- диэтилэр. Массыына иһигэр киирдим. Бары командирдар
айаннаан иһэллэр эбит. Кэпсэтиилэриттэн иһиттэххэ, Харьковы
немецтэр эмиэ төттөрү ылбыттар. Биир дэриэбинэҕэ кэллибит.
Суоппар: «Бааһырбыт киһи, ханна бараҕыный? Салгыы кыайан
айаннаһыаҥ суоҕа. Манна хаалан сынньанан бар!» — диэтэ. Киэ-
һэрэн, хараҥаран эрэр кэмэ этэ. Иннибэр түннүгэ уоттаах дьиэ
көһүннэ. Мин онно харбыаластым. Киирбитим — полевой гос-
питаль эбит. «Бааһырбыт киһибин», - диэтим. Макарон миинэ
биэрэн аһаттылар. Бааһырбыт киһи элбэх эбит. Муостаҕа сытан,
дьэ холкутуйан, утуйан хааллым. Түүн айдаан бөҕө буолбутуттан
уһукта биэрдим. «Немецтэр иһэллэр, госпиталь көһөр буолла», -
диэн өрүкүнэһэллэр. Массыына кэлбитигэр, бары «сус» гынан
хааллылар. Мин ыарыыбыттан кыайан турбакка, хаалан хааллым.
Эмиэ утуйан хаалбыппын, уһуктубутум - уу-чуумпу. Таһырдьа
биһиги саллааттарбыт хаамса сылдьаллар эбит. Таһырдьа тахсан
дьиэ кирилиэһигэр олордум. Байыаннай формалаах үс кыыс тии-
йэн кэллилэр. Мин аттыбар кирилиэскэ туох эрэ котуомкалаа-
ҕы «лис» гына уурдулар. Биир кыыс иккис кыыска: «Тоҕо бачча
элбэх бородууктаны ыллыҥ? Кыайан сүгүөхпүт суоҕа!» - диэтэ.
Мин ону истээт: «Мин бааһыран чааспыттан хаалан хааллым.
Туос аччыкпын, аскытыттан бэрсиҥ!» - диэн көрдөһөн турдум.
Кыргыттар өс киирбэх икки аҥаар бухааҥка килиэби, икки киилэ
курдук сибиинньэ сыатын, сыр уонна саахар биэрдилэр. Онон
астанан, испэр кыргытгарга махтана-махтана, иһирдьэ төннөн
киирэн аһаан, дьэ абыранным. Сотору сирэйдэрин-харахтарын
уокка сиэппит икки киһини киллэрэн, мин аттыбар сытыарды-
лар, эмиэ госпиталь баар буола түстэ. Бу госпиталга миигин икки
хоннорон баран салгыы эмтэн диэн утаардылар. Поеһынан айан-
наатым. Аһым баар. Сахаҕа майгынныыр саллаат айаннаан иһэ-
рин: «Сахаҕын дуо?» - диэн ыйытгым. «Чурапчыттан сылдьабын,
учуутал этим, Василий Сергеевич Лыткин диэммин», - диэтэ.
Дьэ, күө-дьаа буола түстүбүт, мин аспыттан аһаатыбыт, кэпсэтии
бөҕөтө. Кини көхсүгэр бааһыран эмиэ эмтэнэ баран иһэр эбит.
Сэрии кэнниттэн кинилиин Чурапчыга көрсүһэн турардаахпын.
Ити курдук айаннаан Саратовскай уобалас Балашов куора-
тыгар тиийэн, госпиталга сытгым, салгыы Уралга Златоуст куо-
ракка эмтэнним. 1943 сыллаахха атырдьах ыйын бүтэһигэр М-с
группалаах инбэлиит буолан, дойдубар эргиллэн кэлбитим. Ити
кэпсээбитим курдук, сэрии кэмигэр хайдахтаах да мүччүргэннээх,
күчүмэҕэй түгэннэргэ саллаат саллаакка көмөлөсүһэр, кинилиин
43