Page 48 - Өнөрдөр Аҕа дойду сэриитигэр. I чааһа

баарын-суоҕун үллэстэр этэ. Ол өйөбүл-тирэх буолан, сэрииттэн
тыыннаах ортоҕум», - диэн кырдьаҕас кэпсээнин түмүктээбитэ.
Сэриилэһэ сылдьар кэмигэр дойдутугар сукка 1942 сыллаах-
ха биир дьиэ кэргэнтэн алта киһи өлөн, күн сиригэр бу ыал-
тан чороҥ соҕотох туран хаалбыт этэ. Алдьархайдаах аһыы-аба
эдэр киһи санаатын булгуруппатаҕа. Олох иһин охсуһар дьулуур
кыайбыта. Николай Сергеев туус балыкка үлэлээн барбыта. Ити
күһүн Емельянова Екатерина Семеновна диэн туус балыкка үлэ-
лии сылдьар дьахтары кэргэн ылбыта. Салгыы араас курстарга
үөрэммитэ, салайар үлэҕэ сылдьыбыта, сүөһү иитиитин инструк-
торынан, биригэдьииринэн, колхоз председателинэн, управляю-
щайынан, ветеринарынан чиэһинэйдик үлэлээн, нэһилиэгин
сайдыытыгар, дьонун-сэргэтин олоҕо тупсуутугар ыйааһыннаах
кылаатын киллэрбитэ. Кини уһун сылларга олохтоох партийнай
тэрилтэни салайбыта. «Албан аат» уонна Аҕа дойду сэриитин 1-кы
степеннээх орденнардаах кырдьаҕас буойун сырдык хаанын уонна
көмүс көлөһүнүн тоҕон көмүскэспит коммунистическай идеятыт-
тан үрүҥү - хара, хараны — үрүҥ диир бу буккуллубут олоххо
харыс да халбарыйбакка, саҥа уларыйбыт партийнай билиэтин
сүрэҕин туһунан түөһүгэр укта сытан өлбүтэ. Олоҕун устатын
тухары өрүүтүн бастакылар уонна бастыҥнар кэккэлэригэр сыл-
дьыбыт коммунист Николай Михайлович Сергеев олоҕун түөрт
оҕото, 16 сиэнэ уонна 7 хос сиэнэ салгыыллар.
Коммунар ПОПОВ, журналист.

Н.М. Сергеев ахтыыта
Мин Николай Михайлович Сергееви олус үчүгэйдик билэбин.
Кини аймах да, киһи да быһыытынан миэхэ чугас этэ. Уонунан
сылларга бииргэ олорон баран, кэлин 1957 сыллаахха саҥа дьиэ
туттан, дьонум тэлгэһэлэрин аттыгар ыаллаһа олорбуппут. Онон
көрсүбэтэх күнүм диэн суоҕа. Ньукулаан (кинини дьоно-сэргэтэ
итинник ааттыыра) олус сэргэх, барыны-бары билэ-көрө сатыы
сылдьар идэлээҕэ. Армияттан кэлэн баран нэһилиэгэр биригэ-
дьииринэн, колхоз председателинэн, Совет председателинэн,
олохтоох партийнай бюро секретарынан үлэлээбитэ. Бэйэтин
туһунан кэпсээн, оччо-бачча биллэ сатаабат этэ. Дьону даҕаны
быһа-хайа саҥаран эрэрин истибэт этим. Үксүгэр биир кэм-
ник, тэҥ тутуулаахтык сылдьара. Биригэдьиир үлэтин талкыты-
гар имиллэн иннин-кэннин биэрбэккэ иһэр курдуга. Кини аҕыс
44