Page 49 - Өнөрдөр Аҕа дойду сэриитигэр. I чааһа

уонуттан тахсан баран, син хоп курдук сылдьан, эмискэ сүрэҕэ
тохтоон хаалбыта.
- Николай Михайлович, куруук маннык сылдьыаҥ суоҕа.
Үлэҕин-хамнаскын, ордук сэриигэ хайдах сылдьыбыккын бэлиэ-
тээн хаалларбаккын ээ, - диэн көрдөһөр этибит. Оҕонньор ону
чуумпутук истэрэ уонна кэтэҕин өрө охсон баран, олоппоһун өйө-
нөрүгэр тиэрэ түһэн кэбиһэрэ. Бүттэхпит ол. Ол эрээри киһи
буоллаҕа, арыт-арыт иэйиитэ киирэрэ, уоһа аһылыннаҕына быс-
тах-остох сорох түгэннэри кэпсиир буолара. Оннук икки-үс түгэ-
ни ахтан ааһыахпын баҕарабын. Ону Николай Михайлович бэйэ-
тин уоһунан саҥардабын: «Биһиги оборуона инники кирбиитигэр
киирдибит. Манна оборуоналанан сытыы син балачча өр буолбут.
Мин командирбын кытта чугас турар землянкаҕа бардыбыт. Киир-
биппит, землянка иһэ хабыс-хараҥа. Саллааттар аһаары тэринэн
эрэллэр. Аһы тэҥ өлүүлээн миискэҕэ купулар уонна чугас да,
ыраах да баар дьоҥҥо тарҕаттылар. Аһыы олорон эмискэ: «Оо, дьэ
эмиэ», - диэн сахалыы саҥаны иһиттим. Хайдах эрэ этим сааһа
«дьыр» гынна. Өр истибэтэх буолан баран иһиггэххэ, тылбыт олус
да үчүгэй, минньигэс буолар эбит. Хараҥа муннукка олорор дьон
туохтан эрэ күлүстүлэр. Мин аһаан баран оргууй саҥата суох ту-
ран, ол сахалыы саҥа дорҕооно тахсыбыт муннугар сыҕарыйдым.
Онно тиийбитим, муннукка бэрт дьоҕус соҕус киһи күлүк курдук
бүгэн, умса түһэн олорор эбит. Мин кини аттыгар тиийэн «са-
хаҕын дуо?» диэтим. Онуоха киһим ходьох гына түстэ. Өрө көрөн
таһаарда. Онно көрбүтүм, бэрт дьүдьэх көрүҥнээх, кыра уҥуохтаах
нэҥнэллибит саха киһитэ туран кэллэ. Биһиги куустуһа түстүбүт.
Киһим ыгыллыбыт курдук буолла, сирэйинэн санныбар саба түһэн
туран ытаата. Мин дарны сүрдээҕин долгуйдум.
- Аата, саха киһитин көрсөр күннээх эбиппин, — диэтэ уонна
ыга баҕайытык кууһан турда. Мин арыый уоскуйан:
- Хайа, хайдах сылдьаҕын? — диэн ыйыттым.
- Антах, атын сиргэ, син үчүгэйдик сылдьыбытым, манна
соччото суох.
- Ол хайдах? - мин өрө кимэн ыйытааччы буоллум.
- Манна бу уолаттар аспын былдьаан аһыыллар, тобоҕун эрэ
биэрэллэр, - диэт, эмиэ ытамньыйан барда. Мин сөбүлээбэтим,
киһим аттыгар олорор уолаттарга олус абардым. Симмэр киирэн
үрдүлэригэр түһүөх курдук санаан иһэн, сатамньыта суоҕун өй-
дөөтүм. Онтон командирбыттан көҥүллэтэн саллааттар иннилэ-
ригэр туран тыл этим. Онно биһиги бары советскай саллаатгар
45