Page 52 - Өнөрдөр Аҕа дойду сэриитигэр. I чааһа

саҥаттан саҥа үрдэтиллибит былааннары туруорунуу манан аҕай
дьыала буолбатах этэ. Барыта айаас ат үрдүгэр олорон айаннааһын
курдуга. Үгүс сыырдары дабайыы, сороҕор таҥнары түһүү элбэҕэ.
Ол тухары ыараханы баҕана курдук уйан туруу наада этэ.
- Бу төрөөбүт-үөскээбит, үлэлээбит дойдубар туох баар сэ-
ниэбин барытын туран биэрдим, - диэн киэн туттуулаахтык
этинэрэ. Дьэ ити кырдьык, нэһилиэгин туһугар сороҕор мөҕүл-
лүбүтэ, сороҕор хайҕаммыта элбэх буолуо. Киһи буолбут сирин-
уотун олус күүскэ таптыыра, сыллата үрэҕэр тахсан түүлээхтии-
рэ, илимниирэ. Кини бултаабыт бальҥын мунньар буоллар төһө
буолуо эбитэй? Аһаабыт дьон, арай биһиги билэн олордохпут
төһөтүн-хаччатын.
Биирдэ улуус кииниттэн үөрэн-көтөн таҕыста. Арааһа, аҕыс
уончата чугаһаан эрэр кэмэ буолуо. Саҥа тиис оҥотторбут, онту-
катын көрдөрөр:
- Аны килиэби баҕас тулуппаппын, - диир.
- Үчүгэй эбит, — биһиги күө-дьаа буолабыт.
Өссө кини улахан сонунун кэпсии илик эбит, дьоппуоннар-
тан саҥа рентген аппараатын аҕалан туруорбуттар. Онно көрдөр-
бүт. Дьэ бу аппарааппыт кинини төкүнүтэ сылдьан иһин-үөһүн,
чэ, туох баарын барытын көрбүт. Арай ол сылдьан, били сүтэн
хаалбыт бүөрүн булан ылбыттар. Куттаммыта күүһэ бэрдэ дуу, ха-
баҕын анныгар түһэн саһан хаалбыт уонна биэс уонтан тахса сыл
онно уйаланан үлэлии сыппыт. Оҕонньор үөрбүтэ сүр:
- Аны туох да буолбаппын, - диэмэхтиир.
- Оннук, оннук, - дэһэбит биһиги кырдьаҕас киһи санаатын
көтөҕөн. Кырдьыга даҕаны, киһи санаа баайдаах буолан оччо-бач-
ча сырыттаҕа.
Н ЛИТВИНЦЕВ.

Сүрэх тэбэрин тухары

- Ок-сиэ, тоҕо хабыалаһай бу халлаан. Улам мөлтөөн иһэ-
бин ээ, - диэн саныы-саныы баараҕай тиит төргүү мутугар сох-
соллон олордо кырдьаҕас суор. Харах-көс да мөлтөөтө - ырааҕы
кыайан анаарбат буолла. Ол олордоҕуна, ханна эрэ хабыалас тым-
ныыттан тоҥ мутук тостор тыаһа «тас» гынна. Кырдьаҕас суор
итини эндэппэтэ, истэ оҕуста, ньыхайан олорор моонньун өрө
хонос гыннарда. Били өҥкөҕөр тиит таһынааҕы титирик мутуга
тостубутун сэрэйдэ. Ол эрэйдээх ыксаан тураах-тыыра, бу үлүгэр
48