Page 76 - Өнөрдөр Аҕа дойду сэриитигэр. I чааһа

ИННОКЕНТИИ ПОЛИКАРПОВИЧ
ЧЕРНОГРАДСКАЙ

Смоленскай туһаайыытынан
Иннокентий Поликарпович Черно-
градскай Өнөр нэһилиэгэр, билиган бы-
раҕыллан турар «Бүк Элэһин» диэн сиргэ,
1908 сыллаахха дьаданы бааһынай дьиэ
кэргэнигэр төрөөбүтэ, Аҕата Поликарп
Васильевич сүрдээх дьаһаллаах, сүрэхтээх
I үлэһит киһи этэ. Оччотооҕу үөрэҕэ суох
бириэмэҕэ тыа сирин тиийиммэт олоҕун үчүгэйдик билэрэ. Тэҥэ
суох буолуу ыарахан тыынын утаран, быһаарса сатаан, Дүпсүн
быраабатыгар үгүстүк сатыы тиэстэрэ да, кини кыайан үчүгэй от-
туур сиргэ тиксибэтэҕэ. Бара сатаан, таптаан олорбут Элэһин диэн
тыымпатын көһөрөн, ходуһа оҥостубута. Үрдүк тумус тыатын илин
саҕатын илиитинэн солоон бурдук ыһар балайда киэҥ бааһына со-
ломмута.
Кыра Иннокентий отчут-масчыт дьадаҥы саха ыалын ахсыс,
бүтэһик уолунан төрөөн, кини кыанан, оҕо буолан оонньуур кэми-
гэр улахан убайдара ситэн, дьиэ-уот тэринэн, атын чугас сирдэргэ
туспа ыал буолан, төрөппүттэриттэн арахсыбьггтара. Кини бүк сиргэ
үөскээбит оччотооҕу саха оҕото буолан, кыра сааһытган илии ыа-
рахан үлэтигэр аҕатын батыһа сылдьан көмөлөһөн, үлэ ортотугар
улааппыта. Үөрэххэ тиксибэтэҕэ. Сыллата үлэ киһитинии улаатан,
модьураан испитэ. Уол үлэни өйдүүр буолуута, Улуу Октябрь буолан,
норуот саҥа былааһа кыайбытын туһунан сурах кинилэргэ хойутуу
тиийбитэ. Ол кэнниттэн гражданскай сэрии сылларыгар кыһыл-
үрүҥ аанныырын билбэккэ хаалбыттара. Аҕалара аар тайҕатыгар
туһахтаан, күөх далайыгар туулаан, кэлин НЭП-тэн ыла бэйэлэрэ
балачча сүөһүлэнэн, ол быыһыгар солообут солооһуннарыгар бур-
дук ыһынан онтулара мээнэ үүнэн, тото-хана аһаан нүөл кырыска
талах силигилии үүнэринии, Иннокентий ситэн-торолуйан испитэ.
Бэйэтэ олус аҕыйах саҥалааҕа, дуоспуруннааҕа, бэркэ сэҥээрдэҕинэ
көхсүн этитэн, олох наадалааҕы чуо-бааччы этиинэн кэпсэтэрэ,
кэпсиирэ. Күннэр-дьыллар илим хотоҕуһунуу уот-турааннык устан
ааһа турбуттара. Олох иннин диэки сыҕарыйан испитэ.
Тыа сирин олоҕун социалистическайдыы уларытан тэрийии
1929-30 сыллардаахха күөстүү оргуйбута. Ити саҕана Иннокен-

72