Page 77 - Өнөрдөр Аҕа дойду сэриитигэр. I чааһа

тий ситэн-хотон, бэйэтигэр сөп эттээх-сииннээх, ортону үрдүнэн
уҥуохтаах буола улааппыта уонна бэйэтин биир саастыылааҕын Ма-
рия Степановна Захаровалыын, айылҕаттан күүстээхтэринэн аат-
таммыт Захаровтар эдьиийдэринээн, дьоллорун холбоон ыал буол-
бута. Мария Степановна кыратыттан үлэҕэ эриллэн, кыайа-хото
тутар үлэһит, ыал ытыктанар ийэтэ буолбута. Сэрии иннинээҕи
ыһыахтарга курдаһан тустууга, мас тардыһыытыгар бастаталаабыта.
Чараҥ ыһыаҕар тустууга уонна мас тардыһыытыгар бастаан, сыана-
лаах бириэмийэҕэ тиксибитин туһунан кэпсэлгэ сылдьыбыта.
Дьоллорун холбообут Иннокентийдаах Мария холбоһуу хам-
паанньатыттан туора турбакка, ордук сүөһүлэрин холбоон, бииргэ
үөскээбит дьоннорун кытта 1930 сыллаахха колхозка киирбиттэрэ.
Колхозка киирэннэр сүөһү көрөр, ынах ыыр, бурдук бысыһар,
от оттоһор буолбуттара. Урукку курдук биирдиилээн үлэлээһин
саҕаламмыта. Утуйар уу умнуллубута, быһата, түбүк аҕыйыахтаа-
ҕар элбээбиккэ дылы буолан, сылайары-элэйэри кэрэйбэккэ,
олох-үлэ үөһүгэр эргийэн олорбута.
Саҥа олох бастаан утаа кыһалҕата уонна үчүгэйэ тэн курдуга.
Дьадаҥылар, орто ыаллар туһаларыгар сир түҥэтигэ ыытыллыбы-
та. Оччолорго дьон мунньахтарга үмүрү тардыллыыта сонун да,
кэрэхсэбиллээх да этэ. Аны биирдии ыалынан үрэхтэргэ, алаас-
тарга бүгэн олорон, бэйэ кыһалҕатытган тахсарга букунаһыы
тохтообута. Тыла суох тылламмыта. Дьон-сэргэ кулгааҕа-хараҕа
аһыллан, кэҕэ буолан чоргуйбута. Туох барыта бүттүүн дьүүл-
гэ туруоруллара. Киинэни көрдөрүү, үөрэҕэ суоҕу үөрэхтээһин
олоххо киирэн барбыта. Туохтан да ордук ыччакка үчүгэй үйэ
эргийбитэ. Олох оҥоһуутугар ыччат бастыыра, ыччат турунара.
Итинник өрө күүрүүлээх олохтон Иннокентий туора турар кыаҕа
суоҕа. Таптыыр кэргэнин Маайаны, уола Коляны дойдуларыгар
хаалларан, Саха сирин үрдүнэн тарҕаммыт «Ыччат - промышлен-
носка» диэн хамсааһыҥҥа кыттыбыта. Таайа Василий Сергеевич
Сыроватскайдыын Томмокко кыһыл көмүс промышленноһы-
гар үлэлии барбыта. Көмүс промышленноһыгар тиийэн, үөрэҕэ
суоҕа таайан, көмө үлэлэргэ 1932-33 сыллардаахха үлэлээн, ра-
бочай кылаас аһара түмсүүлээхтик, биир санаалаахтык, үрдүк
таһаарыылаахтык үлэлиирин илэ хараҕынан көрөн астыммьҥа
уонна техниканы туһанан, коллективынан үлэлээһин кэскил-
лээҕин, ханнык баҕарар улахан кээмэйдээх үлэ кылгас кэминэн
толорулларын өйдөөбүтэ. Иннокентий промышленноска икки
сыл үлэлээт, кэргэнин, оҕотун ахтан, иэримэ дьиэтигэр этэҥҥэ
73