Page 115 - Сэрии кэмин оҕолоро 2 кинигэ

НАЙАХЫ нэһилиэгэ
наан олох олорон кэлбиппит. Ол да иһин мин үлэлээбит үлэлэрбинэн, олрҕу тутуспут
олохпунан дьиҥ-чахчы киэн туттабын, астынабын!...

2 0 2 0 с.

Румянцева Александра Яковлевна

Мин 1941 сыллаахха тохсунньу 2 күнүгэр арылыйар сүүрүк-
тээх Алдан өрүс арҕаа уҥуор өггүгэр Чүүйү хайатын анныгар
кыракый алааска саха балаҕаныгар төрөөбүтүм. Оҕо сааһым
Чүүйүгэ ааспыта. Ийэм Румянцева Варвара Иосифовна, аҕам
Румянцев Яков Дмитрьевич барыта 15 оҕоломмутгар. Аҕам наар
бултуур этэ. Ийэм дьиэтин уонна оҕолорун көрөрө. Мин уон
бэһис оҕонон күн сирин көрбүтүм. 15 оҕоттон кэнники алта
оҕо хаалбыппыт. Кэлин Өспөххө көһөн кэлбиттэрэ. Аҕам «Сар-
даҥа» холкуоска наар бултуура. Убайдарым бары холкуос араас
үлэтигэр үлэлииллэрэ: биригэдьииринэн, ферма сэбиэдиссэйи-
нэн, атыылааччынан. Биһиги, оҕолор, оҕуруокка үлэлиир эти-
бит. Холкуоска хаппыыста, моркуоп, хортуоска олордоллоро.
Биһиги хаппыыстаҕа, моркуопка түүнүн күөлтэн уу баһа-баһа кутарбыт. Биһигини
Румянцев Гаврил салайан үлэлэтэрэ. Бары үөрэ-көтө сүүрүүнэн сылдьан уу баһарбыт.
Хаппыыста наһаа үөннэнэр этэ. Ону утары наар ыраастаан иһэрбит. Кэлин, арыый
улаатан баран, улахан дьону кытта окко үлэлиирбит. Түллүмүнэн, Кириэһинэн, Ха-
лайханан оттуурбут. Биригэдьиирбит Румянцев Николай Иванович этэ. Сарсыарда хо-
дуһаҕа киирэн баран киэһэ сиик түспүтүн кэннэ тахсарбыт. Убайым Румянцев Егор
Яковлевич биригэдьиирдээн Чагдаайынан, Чүүйүнэн оттуурбут.
Өспөх начаалынай оскуолатын бүтэрэн баран Найахыга тахсан үөрэммитим. 1958
сыллаахха үөрэнэн бүппүтүм. «Сардаҥа» холкуоска кэлэн субай сүөһү көрбүтүм, ыан-
ньыксыттаабытым. Биир кыһын Константинова Вералыын Алыһардаахха субай сүөһү
көрбүппүт. Оппутун, маспытын Павлов Проня дьаһайар этэ. Сыарҕалаах атынан су-
буотаҕа Ыат Уһуга диэн дэриэбинэҕэ күүлэйдии барар этибит. Кириэскэ убайдаахпар
Семен Яковлевичтаахха олорон хас да сыл ыанньыксыттаабытым. 1962 сыллаахха На-
йахыга көһөн кэлбитим.

А хсы нньы , 2 0 2 0 сыл

Румянцева Клара Романовна

Мин, сэрии тулаайаҕа, 1939 сыллаахха муус устар 3 күнүгэр
Өспөх нэһилиэгэр Кириэскэ Фомин Роман Евсеевич, Гоголева
Варвара Алексеевна дьиэ кэргэннэригэр төрөөбүтүм. Аҕам Ро-
ман Евсеевич 1942 сыллаахха мин 3 саастаахпар сэриигэ бар-
быта уонна төннүбэтэҕэ. Биһиги — эбэм, ийэм буолан тулаайах
хаалбыппыт. Эбэм Анна Степановна, соҕотох уола сэриигэ бар-
бытын кэннэ, кэргэнин быраатыгар Фомин Николай Семено-
вичка хаалбыта. Ийэм Варвара Алексеевна миигин иитиллибит
дьонугар Кириэскэ илдьэ барбыта. Онно сүөһү көрүүтүгэр, от-
мас тиэйиитигэр үлэлээбитэ. Кэлин Гоголев Егор Егоровичка
кэргэн тахсыбыта. Аҕабыт күһүн таһаҕас тиэйиитигэр айаҥҥа
баран саас биирдэ кэлэрэ. Сыл аайы ол курдук сылдьара. Ийэм
тойонун аахха олорбуппут. Тулаайах буолан эрэйдээхтик улаатан, тугу барытын сатыы-
ра. Асчыт, иистэнньэҥ буолан, үлэтиттэн кэлээт, ас астыыра, түүнүн этэрбэс, бэргэһэ,

111