Page 116 - Сэрии кэмин оҕолоро 2 кинигэ

НАЙАХЫ нэһилиэгэ

таҥас арааһын тигэрэ. Тулаайах дьону кытта дьукаах буолан, кинилэргэ эмиэ танаста-
рын, астарын — барытын көрөрө. Ол иһин мин киһини өйдүөхпүттэн ийэбин аһынан,
сатаабатарбын да барытыгар көмөлөһөрүм. Батыһыннара сылдьан үлэҕэ үөрэтэрэ.
Ынах этэрэрим, ньирэйдэри ыытарым, тутарым. Атах сыгынньах буоламмын, ньирэй-
дэр быһыта үктүүллэрэ, атаҕым тон оро, оччоҕо сүөһү иигэр-сааҕар үктээн сылытарым.
Сайынын ыанньыксыттарга нуорма үлэ биэрэллэрэ. Сайылык тулата сиэмэ бааһыната
этэ. Дьоммут сиэмэ быһаллара, түүтэхтииллэрэ, биһиги көмөлөһөрбүт. Сиэмэ итигэс-
тээн, хомуйан туттарар этибит. Сарсыарда эрдэттэн хойукка диэри тэҥҥэ сылдьарбыт.
Мин, уҥуохпунан кыра буолан, сайынын наар окко оҕус сиэтиитигэр сылдьарым. Сар-
сыарда 5 чааска туран оҕус хомуйарбыт. Этэрбэспит сииккэ ибили сытыйан ньаҕыллан
хаалара, онтон күнүс хам хатан халтарытан сордуура. Оҕуспутун кыайан мииммэккэ
халтарыйан эрэйдэнэрбит. Ол иһин оҕуспар от биэрэн баран, муоһуттан салҕанан мии-
нэрим. Оҕонньоттор олох хойукка диэри отторун бүтэрэн баран биирдэ тахсаллара.
Ол кэнниттэн биһиги 10-11 чааска оҕустарбытын сойутан, түүн биирдэ утуйар эти-
бит. Мин олох салгыахпар диэри оҕус сиэппитим. Күҥҥэ 30-40 туонна от кэбиһиллэн
бүттэҕинэ отууга биирдэ тахсарбыт. Саастыылаахтарым бары бугулга сыддьыбыттара.
Онно наһаа ымсыырар этим. Күһүн оскуола аһыллыыта биирдэ бүтэрбит. Кырдьаҕас,
дьулуурдаах үлэһит оҕонньоттору кытта окко сылдьыбытым: кэбиһээччи Сивцев Ин-
нокентий Федорович — стахановец Лэгэнтэй, угаайы угааччы — Дьяконов Матвей
Матвеевич.
Эбэм Анна Степановна, уолуттан мин соҕотох хаалбыт буоламмын, миигин ььчыан
баҕарара. Ону аҕам аҕата Гоголев Егор Владимирович олох чугаһаппат этэ. Оскуолаҕа
үөрэнэ сылдьан эбэбэр бараары гыннахпына, наар атын ыалга олордоро. Онтон биирдэ
Ушницкай Степан диэн ыалга дьукаах олорор дьоҥҥо олордубута. Ол дьон миигин
олох көрбөт, аанньа аһаппат этилэр. Ону Ыстапаан оҕонньор эмээхсинигэр Ушницкая
Анна Григорьевнаҕа: «Бу кыыһы булгуччу эбэтигэр биэрэр гына сэбиэккэ эт. Эбэлээх
оҕо эрэйи көрбөтүн», — диэбитэ. Бэйэтэ улаханнык ыалдьа сытара. Онтон Анна Гри-
горьевна сэбиэккэ этэн миигин эбэбэр бэрдэрбитэ. Ол иһин мин Степаҥҥа, Аннаҕа
улаханнык махтана саныыбын. Эбэм наһаа үөрбүтэ: «Үтүө дьон баар буолан, тылларын
тиэрдэн, оҕобун ылар күннээх эбиппин», — диэбитэ. Эбэм Анна Степановна мин ыал
буолбутум кэннэ маҥнайгы сиэнин көрөн баран өлбүтэ.
Оскуолаттан 1956 сыллаахха бүтэн, холкуоска ньирэй көрбүтүм. Ньирэйи сууккаҕа
450 грамм эбиллиитин ситиспитим. Онтон ыччат-комсомольскай ферматыгар ыан-
ньыксытынан киирбитим. Салайааччыбыт Дьяконова Софья Матвеевна. «Коммунисти-
ческай үлэ ударнига», «Социалистическай куоталаһыы кыайыылааҕа», комсомольскай
тэрилтэ бюротун чилиэнэ этим. Бу үлэлиир кэмнэрбэр «Сталин» холкуос бырабылыан-
ньатын чилиэнэ этим. 1947 сыллаахха пионерга, 1956 с. хомсомуолга, 1974 с. партияҕа
киирбитим.
1961 сылтан 1996 сылга диэри медсестранан үлэлээбитим. Медсестра куурсугар
үөрэнэн баран, биэнсийэҕэ тахсыахпар диэри Найахы, Кэптэни балыыһаларыгар үлэ-
лээбитим. Өр сылларга профком бэрэссэдээтэлэ этим. Нэһилиэккэ ыытьылар общес-
твеннай үлэлэргэ актыыбынайдык кыттарым. СӨ Доруобуйатын харыстабылын туйгу-
набын, Найахы нэһилиэгин Бочуоттаах олохтооҕобун.
Зона начальнигынан, хомсомуол бүрүөтүн сэкирэтээринэн, ыччат настаабынньы-
гынан үлэлээбитим, киэһэтин араас бэлэмнэргэ, политүөрэххэ сылдьыбытым. Хор бэ-
тэрээнэбин. 1 уоллаахпын, 2 сиэннээхпин. 2 хос сиэннээхпин.
Тохсунньу 12 к. 2018 с.

112