Page 200 - Сэрии кэмин оҕолоро 2 кинигэ

II ӨСПӨХ нэһилиэгэ

Сиэмэни хомуйбуттарын кэннэ бааһынаҕа туораах бурдук ордон хаадар. Ону одох хо-
муйтарбат этидэр, төрүт бобуудаах. Сиэмэни хомуйдахтарына, хаайыыга да бараддар
этэ. Ону биһиги од сиэмэни хомуйа барабыт. Быыкаа кууддаах буодарбыт. Барарбыты-
гар этэддэр: «Дьэ биир эмэ аттаах киһи иһэр буоддаҕына, одох тыаҕа сүүрээриҥ. Тутан
ьшыахтара», — диэн. Дьэ биһиги харахпыт суод диэки буодааччы, биир эмэ аттаах
киһи иһэр буоддаҕына, куудбутун соспутунан тыаҕа сүүрэрбит. Сүрүннээн кутуйах ха-
сааһа диэни көрдүүрбүт, ону буддахпытына, дьэ үөрүү-көтүү бөҕө буодарбыт. Кутуйах
эдбэх баҕайы сиэмэни хаһаанар эбит. Туорааҕы хомуйан дьиэбитигэр идтэхпитинэ,
ону хатараддар, кэдии диэнинэн үдтү сынньаддар, онтон эмиэ көтүтэдлэр-хайыылдар,
үдэтэ эдбэх баҕайы. Онтон таас суорунаҕа аны ону тардыы диэн баар. Оччоҕо мээккэ
бурдук дьэ тахсар. Онтон дэппиэскэ оҥороддор. Дэдэйдик сиэһин диэн суох, нэһиидэ
ытыспыт эрэ саҕа дэпгшэскэ өлүүгэ тиксэр. Үлэлиир дьон н о өйүөлээн ыыталлар.
Ити сэрии ыар сьшларыгар аччыктааһын бөҕө буолар этэ. Атах таҥаһа эҥин диэн
суох этэ. Оччотооҕуга этэрбэс, сайынын түүппүлэ тигэллэр этэ. Атахпыт таҥаһын
харыстаан олох даҕаны кэппэт этибит. Атах сыгынньах сылдьа үөрэммиппит. Күһүн
хойукка диэри, атаҕыҥ кытара тоҥуор диэри сылдьаҕын. Ынах ииктээтэҕинэ, атахпы-
тын ол ииккэ сылытарбыт наһаа үчүгэй буолара. Уһун сайын атах сыгынньах сылдьан
атахпыт түгэҕэ бүтүннүүтэ хап-халыҥ чэр буолан хаалара, хадьымалга даҕаны ыал-
дьыбат курдуга. Сэрии кэмин оҕолоро бары даҕаны итинник кыһалҕалаахтык олорон
кэлбиппит.
2020 сылга ыам ыйын 9 күнүгэр Кыайыы буолбута 75 сыллаах үбүлүөйэ буолар.
Онно бука бары этэҥҥэ тиийиэххэйиҥ. Сэрии хаһан даҕаны буолбатын!

(В и д ео -а х т ы ы н ы с у р у к к а т уһ эр и и )
Б ороҕон , сэт и н н ьи , 2 0 1 9 с.

Саввин Автоном Георгиевич

Өспөххө төрөөбүтэ. Өспөх начаалынай оскуолатын кэнниттэн
Амма 1 №-дээх оскуолатын үрүҥ көмүс мэтээлинэн бүтэрбитэ.
Томскай куорат университетын математическай факультетын
бүтэрэн, бастаан Эдьигээҥҥэ Кыстатыам оскуолатыгар мате-
матик учууталынан үлэтин саҕалаабыта. Онтон СГУ-га ыҥы-
рыллыбыта. Казаннааҕы университет аспирантуратыгар киирэн
баран, доруобуйатынан тохтообута. Ол кэнниттэн дойдутугар
Уус Алдаҥҥа Танда, Дүпсээ, Найахы, Өспөх оскуолаларыгар
биэнсийэҕэ тахсыар диэри учууталлаабыта. Билигин биэнсийэҕэ
олорор.

196