Page 195 - Сэрии кэмин оҕолоро 2 кинигэ

II ӨСПӨХ нэһилиэгэ

Румянцев Владимир Афанасьевич

Биологическай наука кандидата. Дьокуускай куоракка улаап-
пыт, үөрэммит.

Румянцев Николай Иннокентьевич

1965 с. Дүпсүн орто оскуолатын бүтэрбитэ.
1973 с. Новосибирскайдааҕы институт архитектурнай факуль-
тетын бүтэрбитэ. ООО ПСФ Утум+, ООО ПБ Горпроект про-
ектнай тэрилтэҕэ проектар главнай архитектордарынан үлэлиир.
Наҕараадалара: ВДНХ боруонсабай мэтээлэ; Саха сирин уон-
на Россия үтүөлээх архитектора; «Гражданскай килбиэн» знак
хаһаайына; Саха сирин Президенин бириэмийэтин лауреата,
Саха сирин Бочуоттаах архитектора; Өспөх нэһилиэгин, Уус Ал-
дан улууһун Бочуоттаах олохтооҕо.

Румянцева Александра Яковлевна

Мин 1941 сыллаахха тохсунньуга арылыйар сүүрүктээх Ал-
дан өрүс арҕаа уҥуор өттүгэр Чүүйү хайатын анныгар кыракый
алааска саха балаҕаныгар төрөөбүтүм. Оҕо сааһым Чүүйүгэ аас-
пыта. Ийэм Румянцева Варвара Иосифовна, аҕам Румянцев
Яков Дмитрьевич барыта 15 оҕоломмуттар. Аҕам наар бултуур
этэ. Ийэм дьиэтин уонна оҕолорун көрөрө. Мин 15-с оҕонон
күн сирин көрбүтүм. 15 оҕоттон кэнники 6 оҕо хаалбыппыт. Кэ-
лин Өспөххө көһөн кэлбиттэрэ. Аҕам «Сардаҥа» холкуоска наар
бултуура. Убайдарым бары холкуос араас үлэтигэр үлэлииллэрэ:
биригэдьииринэн, ферма сэбиэдиссэйинэн, атыылааччынан.
Оҕолор оҕуруокка үлэлиир этибит. Холкуоска хаппыыста, мор-
куоп, хортуоска олордоллоро. Онно хаппыыстаҕа, моркуопка уу
кутар этибит. Түүнүн күөлтэн уу баһа-баһа кутарбыт. Биһигини Румянцев Гаврил са-
лайан үлэлэтэрэ. Бары үөрэ-көтө сүүрүүнэн сылдьан уу баһарбыт. Хаппыыста наһаа
үөннэнэр этэ. Ону утары ыраастаан иһэрбит. Кэлин, арыый улаатан баран, улахан
дьону кыгта окко үлэлиирбит. Түллүмүнэн, Кириэһинэн, Халайханан оттуурбут. Би-
ригэдьиирбит Румянцев Николай Иванович этэ. Сарсыарда ходуһаҕа киирэн баран,
киэһэ сиик түспүтүн кэннэ тахсарбыт. Румянцев Егор Яковлевич биригэдьиирдээн
Чагдаайынан, Чүүйүнэн оттуурбут.
Өспөх начаалынай оскуолатын бүтэрэн баран, Найахыга тахсан үөрэммитим. 1958 с.

191