Page 320 - Сэрии кэмин оҕолоро 2 кинигэ

ХОРО нэһилиэгэ

с&чҕаан үөрэнэ сьщдьан, Маай ыйга Кыайыы буолбут сураҕа кэлэн, дьон-сэргэ үөрүү-
көтүү, миитин бөҕө буолбута.
Дойдуну чөлүгэр түһэрии үлэтэ күөстүү оргуйбута. Үөрэнэн бүттүҥ да тута бири-
гэдьиир үлэҕэ соруйар этэ. Ходуһа ыраастааһына, бүтэй маһын таһыы, суол оҥоруута,
ыһыы үлэтэ — барытыгар үлэлиир этибит. Сэрии сылларыгар эмиэ чороччу улаатан
эрэр оҕолору барыларын улахан дьону кытта тэҥҥэ үлэлэтэллэрэ. Аччык аҥаардаах
сылдьан от үлэтигэр буһан-хатан, күһүнүн тымныы ууну кэһэ сылдьан ходуу ходуйан,
хомус төрдүгэр атахлытын хайыта анньан хаан оҕуолуу сылдьыар диэри үлэлиирбит.
Киһилии атах таҥаһа да суох буоллаҕа. Ийэм эрэйдээх тириинэн холуоһа курдук тигэн
биэрэрэ. Онтубут куурдаҕына хатан хаалар, ууга киирдэххэ илийэн син сымныыр этэ.
Кэлин холкуостар холбоһон, «Победа» холкуос буолбуттара. Бэрэссэдээтэл Данилов
Петр Николаевич сүрдээх истиҥ, үлэһит үтүөтэ киһи этэ. Сэрии кэмигэр үлэлээбкт
оҕолору Сталин мэтээлигэр түһэрэн бастакы улахан наҕараадабын ылан, өссө эбиитин
ырбаахы таҥаһа тутан үөрбүппүн билигин да олус үчүгэйдик саныыбын.
Сэрии иннинэ Чараҥҥа үөрэнэ сылдьыбытым. Бастакы учууталым Василий Николае-
вич Мигалкин этэ. Бары толло көрөр киһибит этэ. Олох таҥара курдук көрөр этибит.
Эчи тас көрүҥэ үчүгэйэ, тутта-хапта сылдьара, куруук ыраас өтүүктээх көстүүмнээх
буолара. Кими да мөҕө-этэ сылдьыбат, үрдүк культуралаах киһи этэ.
Майаҕастан сатыы сылдьан үөрэнэрбит. Сороҕор сылгылартан куттанан уруокпу-
тун куоттаран тиийэрбит. Биирдэ эмиэ сылгылар хаайаннар дэлби тоҥон кэлбитим.
Үтүлүгүм, этэрбэһим иһэ барыта хаар. Көрүдүөргэ учууталым кэргэнэ Евдокия Гав-
рильевна көрсө түһэн, дэлби таҥаспын тэбээн, итии чэй иһэрдэн наһаа да үөрбүтүм.
Учууталым мөҕүө диэн биир куттал. Хата мөхпөтөҕө, иккис уруоктан үөрэннэҕим дии.
Ол курдук үтүө санаалаах дьон баар этилэр.
4-с кылааһы бүтэрэр сылбытыгар сэрии буолбута. 1940 с. пионерга киирбиппит.
Бэлэмнэнии бөҕө, үөрэххэ кыһаллыы, долгуйуу.
Сэрии сылларыгар үөрэммэтэҕим. Сэрии бүтүүтэ 1944 с. Мүрү оскуолатыгар
үөрэхпин салҕаабытым. Ол иһин сааһым ыраатта диэн 1953 с. 9 кылаас кэнниттэн
Дьокуускайдааҕы педучилищеҕа үөрэнэ киирбитим.
«Победа» холкуос ыччатын мунньан Данилов П.Н., холкуос бэрэссэдээтэлэ, куорак-
ка киирэн көрсөр, мунньар этэ. Эт, ас киллэрэрэ. Күрэхтэһиилэргэ холкуоспут чиэһин
элбэхтэ көмүскээбиппит. Петров Ф.Д., Олесов С.К., Григорьева М., Колодезников
Н.Н. буолан хайыһарга бириистээх миэстэлэргэ тиксэрбит.
Устудьуон сыллар ааһа охсон, 1955 с. үөрэхпин бүтэрэн, үлэбин Сыырдаах оскуо-
латыгар саҕалаабытым. 1956 с. Мэҥэ Хаҥалас Баатаратыттан төрүттээх Емельянов
Аполлон Федотовичка кэргэн тахсан ыал буолбуппут.
Кини, партийнай үлэһит буолан, нэһилиэктэринэн көһө сылдьаллар этэ. Мэҥэ
Хаҥаласка, Уус Алдаҥҥа Мүрү, Баатаҕай, Найахы, Майаҕас оскуолаларыгар үлэлээн,
1978 с. биэнсийэҕэ тахсыбытым, онтон салгыы эмиэ үлэлээн, 1987 с. бочуоттаах сын-
ньалаҥҥа олоробун.
Хайа да оскуолаҕа үлэлээтэрбин элбэх үтүө үлэһит дьону кытта алтыспытым. Бииргэ
үлэлээбит коллегаларбын куруутун саныыбын, арыый эдэр эрдэхпинэ билсэр этибит.
Билигин үгүспүт, хомойуох иһин, суох. Үөрэппит оҕолорум көрсөн кэпсэттэхтэринэ,
олуһун үөрэбин, син умнубаттар эбит диэн. Үбүлүөйдэргэ кэлэн эҕэрдэлээн, өссө по-
дарок биэрэн бараллар. Этэҥҥэ сылдьан үлэһит буолан дьон тэҥинэн сылдьалларыт-
тан кырдьан олорон үөрэбин эрэ.
Бэйэм 4 оҕом, сиэннэрим, хос сиэннэрим эмиэ этэҥҥэ эрэ сырыттыннар диэн ал-
гыыбын.
Хаһан да сэрии буолбатын, эйэлээх күөх халлаан, үрүҥ күн барыгытын күн аайы
үөрдэ эрэ турдуннар.

316