Page 319 - Сэрии кэмин оҕолоро 2 кинигэ

ХОРО нэһилиэгэ

Мин хос эбэм олоҕун салгыыр ыччата, хос сиэнэ буолабын. Кини тутуспут дьоллоох
олоҕор олоробун.
Крылова Милана-Кыыдаана, х о с си эн э
2 0 2 0 с.

Емельянова Анна Петровна

Мин 1928 сыллаахха кулун тутар 14 күнүгэр Хоро нэһилиэ-
гэр дьадаҥы бааһынай дьиэ кэргэнигэр төрөөбүтүм. Төрөппүт
аҕам Конников Петр Григорьевич, ийэм Жиркова Александра
Ануфриевна диэн этилэр. Аҕам «Куотука» холкуоска бэрэссэ-
дээтэлинэн, кыладыапсыгынан үлэлээбитэ, 1934 сыллаахха
ыалдьан өлбүтэ. Ийэм ыанньыксыт этэ.
3 оҕолоох хаалбыт ийэм 1935 с. Бэрт Ууһун нэһилиэгин киһи-
тигэр Колодезников Гаврил Гаврильевичка кэргэн тахсан, онно
көһөн, олохсуйан, улаатан атахпытыгар турбуппут.
1939 с. саҥа тэриллибит «Кыччама» холкуоска көһөн киир-
биппит. Бу бөһүөлэккэ 6 дьиэ, улахан хотон баара. Алаастан
кэлбит дьоҥҥо улахан бөһүөлэк курдуга. Оҕо сааһым Кычча-
маҕа Аҕа дойду Улуу сэриитин кэмигэр ааспыта. Улахан дьону кытта тэбис-тэҥҥэ үлэ-
лиирбит. Ас-таҥас кырыымчыга. 1942-44 сс. улахан сут туран, Намынан, Кэбээйинэн
көһүүгэ сылдьыбыттара. Таайым Жирков Николай Ануфриевич кэргэнинээн Евдокия
Никандровналыын уонна тыла суох ийэм балта Маайа буолан Кэбээйигэ миигин айах
көҕүрэтэн илдьэ барбыттара. Онно хоргуйан өлө сыһан, дьоммор төттөрү аҕалбыттара.
Көскө барбыт дьону баран билсэр киһи ыыталлар эбит сылга хаста эмит. Ол киһиэхэ
этэннэр, миигин сыарҕалаах акка дэлби суулаан, аара ыалга хонон нэһиилэ суккуруур
тыыным ордон дьоммор кэлбитим.
Аҕам барахсан дьаныардаах хорсун үлэһит киһи эбит. Сарсыарда им сырдыыта
оҕуһунан от-мас гиэйэ барара, киэһэ хараҥарыыта кэлэн бүтэйин аанын кыайан ас-
пакка иэҕэҥнии турара билигин да харахпар көстөр. Аччык киһи төһө сырата, сылбата
барара буолуой...
Сут кэмигэр дьонум Тандаҕа биир сыл эмиэ от суох буолан сүөһү көрө көһө сыл-
дьыбыттара. Саас төттөрү көһөн кэлбиттэрэ. «Кыччама» холкуоска 1942-43-44 сс. 10-ча
тулаайах оҕоҕо интэринээт курдук аһылта сылдьыбыта. Онно хааһы буһарааччынан
үлэлэтэ сылдьыбыттара. Күҥҥэ 3-тэ убаҕас хааһы сыыһын буһаран сиэтэрбит. Чу-
гууҥҥа буспут убаҕас хааһыны куопсугунан үллэрэн биэрэрбит, атын ас суоҕа. Чугуун
кэһиэҕин уочаратынан кэһээн сииллэрэ, сороҕор былдьаһан да тураллара.
Манна олорбуттара төгүрүк тулаайахтар: Колодезников Петр Алексеевич, Колодез-
ников Степан Алексеевич, Колодезникова Мария Алексеевна. Бу оҕолор дьонноро хор-
гуйан өлбүттэрэ. Өссө Иванов Сеня, Колодезников Николай, Неустроева Анна, о.д.а.
Биһиги аҕабыт Иванов Бүөтүр диэн киһилиин Аалтаах Үүҥҥэ таһаҕас тиэйэ бар-
быттара. Кинилэр кэлиэхтэригэр диэри чуут хоргуйан өлө сыспыппыт. Ыалтар аһыыр
астара бүтэн, сиэмэ атаҕын, бурдук сыыһын түҥэтэн, дьон тыыннаах хаалбыттара.
«Кыччама» күөлэ саас балык бэрсэн үллэстэн сылы туораабыттара. Иккис айаҥҥа аҕам
дьонум иэдэйииһиктэр диэн нэһиилэ көҥүллэтэн барбатаҕа.
Ийэм эрэйдээх аҕам айаҥҥа барбыт кэмигэр 2 оҕуһунан оройуон киинигэр саһаан
таһар этэ. Өрүү-өрүү барара. Манньатын хара бухааҥка 200 грамм килиэп биэрэллэрэ.
Ол килиэптэн минньигэс килиэп суох курдуга. Кэтэһэн да биэрэр этибит ийэм кэлэ-
рин. Кулгаахпыт тоҥон «тыс» гыныар диэри сыарҕа тыаһын иһилтиирбит. Оһохпутун
ыалтарбыт киирэн оттон биэрэллэрэ. көмүлүөк оһох элбэх маһы мэҥиэстэрэ.
Сэрии арыый намыраан, Кыайыы буолар сылыгар үөрэхпин Мүрү оскуолатыгар

315