Page 32 - Сэрии кэмин оҕолоро 2 кинигэ

МҮРҮ нэһилиэгэ

Дамаскин Валентин Федорович

1937 сыллаахха тохсунньу 19 күнүгэр Ростовскай уобалас Ре-
монтнай дэриэбинэтигэр төрөөбүтэ. Сэрии иннинэ дьонноро
Бодойбо бириискэтигэр көһөн кэлэн икки сыл үлэлээн баран
Ростовка төннүбүттэрэ.
Валентин Федорович 1953 сыллаахха Ростовтан Саха сиригэр
көһөн кэлэн, Дьокуускай куораты тутууга үлэлэспитэ. Бу үлэ-
лии сылдьан олоҕун доҕорун Татьяна Егоровнаны көрсөн ыал
буолан, күн бүгүнүгэр диэри Мүрү нэһилиэгэр олороллор. Үс
уол оҕо, 11 сиэн, 5 хос сиэн тапталлаах аҕата, эһэтэ, хос эһэтэ.
Сыралаах үлэтин иһин «Бочуот Знага» орденынан наҕараада-
ламмыта, Мүрү нэһилиэгин Бочуоттаах олохтооҕо.

Дьяконов Роман Романович
Мин 1945 сыллаахха Хоро нэһилиэгэр төрөөбүтүм. Аҕам Ро-
ман Николаевич сааһын тухары МТС-ка мэхээньигинэн үлэ-
лээбитэ. Бииргэ төрөөбүт элбэх этибит, ол иһин ийэбит кыра
оҕотун көрөн олорбута. Мин 1961 сыллаахха МТС-ка тырахта-
рыыстар куурустарын үөрэнэн бүтэрбитим. Ол бүтэрэн баран
1962—1968 сылларга Бороҕоннооҕу электрическэй станцияҕа
дизелиһинэн үлэҕэ киирбитим. Салгыы 1968 сыллаахха «Сель-
хозтехникаҕа» тырахтарыыһынан биэнсийэҕэ тахсыахпар диэри
үтүө суобастаахтык үлэлээбитим. Бу тэрилтэҕэ киирээт, үлэбин
улахан Т-100 тыраахтартан саҕалаабытым. Ыраах нэһилиэктэр-
гэ Түүлээххэ, Өспөххө бааһыналары оҥорууга, кыһынын дулҕа
анньыытыгар үлэлиирбит. Ону таһынан тыаны солооһуҥҥа, хо-
дуһаларга уоҕурдуу ыһыытыгар сылдьыбьҥым. Ыраах хастыы эмэ ыйынан команди-
ровкаҕа үлэлии барарбыт. Ити кэмҥэ биригэдьииринэн Николай Николаевич Портня-
гин үтүө суобастаахтык үлэлиирэ, түүннэри саппааспытын, аһыыр аспытын тутатына
аҕалан биэрэрэ.
Билигин урукку ыарахан кэмҥэ бииргэ үлэлээбит табаарыстарым С.Д. Неустроев,
П.П. Портнягин бааллар. Ол кэмнэргэ салайааччыларынан И.Д. Замятин, Г.С. Пас-
тухов, И.Д. Свешников үлэлээбиттэрэ. Итини таһынан механизированнай этэрээти
Е.Ф. Васильев сатайан, кыһаллан үлэлээбитэ.
Сыралаах үлэбин сыаналаан, Бочуотунай грамоталар, хайҕал суруктар туттарыллы-
быттара. Коммунистическай үлэ ударнига, МТС үбүлүөйүгэр СӨ тыатын хаһаайысты-
батын бэтэрээнэ буолбутум. «Мүрү нэһилиэгин социальнай-экономическай сайдыыты-
гар кылаатын иһин» бэлиэнэн наҕараадаламмытым. Барыта уопсайа тырахтарыыһынан
35 сыл үлэлээбитим. Билигин бочуоттаах сынньатаҥҥа олорон, урукку үлэлээбит сыл-
ларбын өрүү үтүөтүк санаан ылабын.

Жирков Иван Михайлович

Былыр-былыргыттан биһиги өбүгэлэрбит хоргуйан өлбөт инниттэн, булт-алт, көтөр
кынатгаах, сүүрэр атахтаах тоҕуоруйар түбэлэринэн ураа муостааҕын, сыспай сиэл-
лээҕин ииггинэр өҥ үүнүүлээх сыһыыларынан, хочолорунан тарҕанан олорбуттара
биллэр. Булт-алт дэлэйэ, от-мас чэгиэнэ, өлгөмө айылҕа барахсан анаан, маанылаан
айбыт сирдэригэр ордук хото баар буолааччы.
Мин оннук сирдэртэн биирдэстэригэр иккис Аҕа дойду Улуу сэриитэ буолуо биир

28